Anna Bhau Sathe : "फकिरा पुन्हा उठलाय… अन्यायाला तडाखा देण्यासाठी!" – अण्णाभाऊ साठेंच्या पुण्यतिथीनिमित्त अभिवादन!

Anna Bhau Sathe : दलित, वंचितांचा ज्वालामुखी असलेला शब्दयोद्धा आजही समाजमनात जागा

मुंबई :- अन्यायाविरोधात आवाज उठवणाऱ्या, तळागाळातल्या माणसाच्या वेदनांना लेखणीद्वारे न्याय देणाऱ्या, आणि शब्दांनी क्रांती घडवणाऱ्या अण्णाभाऊ साठेंच्या Anna Bhau Sathe पुण्यतिथीचा आज देशभरात स्मरण सोहळा! "मी माणूस आहे, हेच माझं धर्म आणि माणुसकी" असं ठासून सांगणारा हा साहित्यिक आजही समाजाच्या नसानसात आहे.

‘फकिरा’ म्हणजे उठावाचं प्रतीक, अण्णाभाऊ म्हणजे जिवंत चळवळ

अण्णाभाऊंची "फकीरा" ही कादंबरी आजही हजारो युवकांना उठाव शिकवते, अन्यायाला विरोध करायला शिकवते. त्यांच्या पोवाड्यांमधून श्रमिकांची लढाई गात राहिली. त्यांनी शब्दातून क्रांती केली, आणि जगणं बदलवून टाकलं.

त्यांनी मजूर, भटक्या-विमुक्त समाज, दलितांचे दु:ख, अन्याय, आणि जुलूम आपल्या लेखणीतून मांडले. त्यांची साहित्यिक भाषा ही जणू क्रांतीची हाक होती.

स्मरणसभांच्या माध्यमातून अभिवादन, पण विचारांची कृती हवी – तरच खऱ्या अर्थानं आदर

महाराष्ट्रातील विविध भागांत आज अण्णाभाऊ साठे यांना अभिवादन करण्यासाठी लोक एकत्र आले, शाळा-महाविद्यालयांपासून साहित्य संस्था, सामाजिक संघटना, राजकीय पक्षांकडून कार्यक्रमांचं आयोजन केलं गेलं.

पण त्यांचे विचार आजही फक्त हार-तुरे वाहण्यापुरते मर्यादित राहू नयेत, तर त्यांची क्रांतिकारी भूमिका नव्या पिढीच्या कृतीतून उतरावी, अशी मागणी समाजकंटक आणि तरुण कार्यकर्त्यांकडून होत आहे.

सामाजिक परिवर्तनासाठी लेखणी आणि संघटनांची कास

अण्णाभाऊंनी केवळ साहित्य लिहिलं नाही, तर त्यांनी लोकशाहीर म्हणून महाराष्ट्रात आणि देशात फिरत असंख्य कामगार, भटक्या-विमुक्त जातींसाठी संघटनात्मक काम केलं. त्यांनी लालबावटा कला पथक, मजूर संघटनांतून सामाजिक चेतना जागवली. त्यांच्या कथांनी अनेकांच्या जीवनाचा मार्ग बदलला.

आज त्यांच्या पुण्यतिथीनिमित्ताने शाळा, महाविद्यालयं, साहित्य संस्था, आणि राजकीय पक्षांच्यावतीने अभिवादनपर कार्यक्रमांचे आयोजन करण्यात आले आहे.