मुंबई हादरली! – 65 वर्षीय नराधम निवृत्त पोलीस अधिकाऱ्याकडून 9 वर्षीय चिमुरडीवर लिफ्टमध्ये लैंगिक अत्याचार
Mumbai Police Latest Crime News : बोरिवलीतील एकाच इमारतीतील संतापजनक घटना; सीसीटीव्हीत अत्याचाराची कृती कैद; आरोपीला पोलीस कोठडी
मुंबई :- मुंबईतील बोरिवली Mumbai Borivali पूर्व परिसरातून एका इमारतीमध्ये घडलेली अत्यंत संतापजनक आणि निंदनीय घटना समोर आली आहे. एकाच इमारतीत राहणाऱ्या 65 वर्षीय निवृत्त पोलीस अधिकाऱ्याने Mumbai Police Officer लिफ्टमध्ये एका 9 वर्षीय अल्पवयीन मुलीवर लैंगिक अत्याचार केल्याची धक्कादायक घटना घडली आहे. Mumbai Latest Crime News
संध्याकाळी सातच्या सुमारास मुलगी लिफ्टमधून घरी जात असताना, या निवृत्त पोलीस अधिकाऱ्याने क्रूरतेने तिला लिफ्टमध्ये ओढले आणि तिच्यावर लैंगिक अत्याचार केला. अत्याचाराची ही संपूर्ण लाजिरवाणी कृती लिफ्टमध्ये लावलेल्या सीसीटीव्ही कॅमेऱ्यात कैद झाली आहे.
या घटनेनंतर पीडित मुलीने घरी जाऊन आपल्या आईला त्वरित माहिती दिली. मुलीच्या आईने या घटनेचे गांभीर्य लक्षात घेऊन तात्काळ कस्तुरबा मार्ग पोलीस ठाण्यात तक्रार दाखल केली. पोलिसांनी तक्रारीची गंभीर दखल घेत आरोपी निवृत्त पोलीस अधिकाऱ्याविरुद्ध गुन्हा दाखल करून त्याला तात्काळ अटक केली. अटक केल्यानंतर आरोपीला बोरिवली कोर्टात हजर करण्यात आले असता, न्यायालयाने त्याला 12 डिसेंबरपर्यंत पोलीस कोठडी सुनावली आहे. कस्तुरबा मार्ग पोलीस या प्रकरणाचा अधिक तपास करत आहेत.
