Arvind Kejariwal : केजरीवालांना मोठा धक्का, 15 दिवसांची न्यायालयीन कोठडी, तिहारमध्येच राहणार
Arvind Kejariwal Judicial custody Extend In Tihar Jail : दिल्ली दारू धोरणाशी संबंधित मनी लाँड्रिंग प्रकरणात ईडीने मुख्यमंत्री अरविंद केजरीवाल यांना अटक केली होती.
ANI :- दिल्लीचे मुख्यमंत्री अरविंद केजरीवाल Arvind Kejariwal यांना मद्य धोरणाशी संबंधित मनी लॉन्ड्रिंग प्रकरणात अटक करण्यात आली असून त्यांना सोमवारी (1 एप्रिल 2024) मोठा धक्का बसला. ईडीच्या मागणीवरून दिल्लीच्या राऊस एव्हेन्यू कोर्टाने Rouse Avenue Court केजरीवाल यांना 15 दिवसांची न्यायालयीन कोठडी Kejariwal Judicial custody सुनावली आहे.ईडीच्या वतीने न्यायालयात हजर झालेले एएसजी एसव्ही राजू म्हणाले की, केजरीवाल तपासात सहकार्य करत नाहीत.
या प्रकरणातील अरविंद केजरीवाल यांचा ईडी कोठडीचा कालावधी पूर्ण झाल्यानंतर त्यांना आज न्यायालयात हजर करण्यात आले. खरं तर, ED ने आम आदमी पार्टी (AAP) चे राष्ट्रीय संयोजक अरविंद केजरीवाल यांना 21 मार्चच्या रात्री उत्पादन शुल्क धोरणाशी संबंधित मनी लॉन्ड्रिंग प्रकरणात अटक केली होती. दुसऱ्या दिवशी म्हणजेच 22 मार्चला कोर्टाने केजरीवाल यांना 28 मार्चपर्यंत ईडी कोठडीत पाठवले. त्यानंतर 28 मार्च रोजी त्यांना 1 एप्रिलपर्यंत ईडीच्या कोठडीत पाठवण्यात आले होते.
काय आहे ईडीचा आरोप?
दिल्ली मद्य धोरण तयार करण्यात आणि अंमलबजावणीमध्ये भ्रष्टाचार झाल्याचा दावा ईडीने केला आहे. केंद्रीय तपास यंत्रणेने मुख्यमंत्री अरविंद केजरीवाल यांना या प्रकरणातील मुख्य सूत्रधार असल्याचे म्हटले आहे. माजी उपमुख्यमंत्री मनीष सिसोदिया आणि संजय सिंह हे एक्साइज पॉलिसी प्रकरणातच तुरुंगात आहेत.
दिल्ली दारू धोरणातून मिळालेला पैसा आम आदमी पक्षाने गोवा विधानसभा निवडणुकीसाठी आणि इतर कामांसाठी वापरला आहे, असे ईडीचे म्हणणे आहे. तर आप पक्षाने हे सर्व आरोप फेटाळले असून केजरीवाल यांना लोकसभा निवडणुकीच्या प्रचारापासून रोखण्यासाठी अटक करण्यात आल्याचे म्हटले आहे. भाजप हे सर्व राजकीय सूडाच्या भावनेतून करत आहे.
