Ajit Pawar : निकालापूर्वी महायुतीत मुख्यमंत्र्यांबाबत पोस्टरबाजी, भावी मुख्यमंत्री म्हणून अजित दादांना शुभेच्छा
Ajit Pawar as maharashtra CM Banner in Pune: विधानसभा निवडणुकीचे निकाल लागण्यापूर्वीच मुख्यमंत्रीपदासाठी लॉबिंग सुरू झाले आहे. पणू आणि पर्वती विधानसभा मतदारसंघात कार्यकर्त्यांनी बॅनर लावले आहेत. त्यात उपमुख्यमंत्री अजित पवार यांचे अभिनंदन करण्यात आले आहे.
पुणे :- निवडणुकीचे मतदान झाल्यानंतर आता सर्वांनाच निकालाची प्रतीक्षा आहे, मात्र त्यापूर्वीच राज्यात पोस्टरबाजी सुरू झाली आहे. निकालाला अजून वेळ असतानाही बारामतीत अजित पवार ‘भावी मुख्यमंत्री’ अशी पोस्टर्स लावण्यात आली Ajit Pawar as maharashtra आहेत.ठिकठिकाणी लावण्यात आलेल्या या पोस्टर्समध्ये अजित पवार यांचे सलग आठव्यांदा आमदार म्हणून अभिनंदन, असे लिहिले होते.
अजित पवार गटातील नेत्यांनी निकालापूर्वी मुख्यमंत्रीपदासाठी लॉबिंग सुरू केले आहे. प्रशांत शरद बारावकर मित्र परिवार सुपे परगणातर्फे पर्वती विधानसभा मतदारसंघ आणि बारामती परिसरात बॅनर लावण्यात आले आहेत.त्यातच मुख्यमंत्री अजित पवार यांनी भरघोस मतांनी विजय मिळवल्याबद्दल त्यांचे अभिनंदन करण्यात आले आहे. रस्त्याच्या कडेला लावण्यात आलेल्या या पोस्टर्समुळे राजकीय वर्तुळात पुन्हा एकदा चर्चेला उधाण आले आहे.
अजित पवार हे चार वेळा महाराष्ट्राचे उपमुख्यमंत्री असूनही त्यांना मुख्यमंत्रीपद मिळू शकलेले नाही. अजित पवार यांनी अनेकदा उघडपणे मुख्यमंत्री होण्याची इच्छा व्यक्त केली आहे.शरद पवार यांच्याशी फारकत घेत भाजपसोबत सत्तेत सहभागी झालेले अजित पवार आणि त्यांच्या कार्यकर्त्यांकडून त्यांना मुख्यमंत्री करावे, अशी इच्छा व्यक्त होत आहे.
भारतीय जनता पक्षाने 149 जागांवर निवडणूक लढवली असून शिवसेनेने 81 जागांवर तर राष्ट्रवादीने 59 जागांवर आपले उमेदवार उभे केले आहेत. त्याचवेळी काँग्रेसने 101 जागांवर, शिवसेना (यूबीटी) 95 आणि राष्ट्रवादी काँग्रेस (एसपी) 86 जागांवर निवडणूक लढवली आहे.या निवडणुकीत 50 जागांवर उद्धव शिवसेना आणि शिंदे शिवसेनेचे उमेदवार आमनेसामने होते. राष्ट्रवादीच्या प्रतिस्पर्धी गटांनी 37 जागांवर एकमेकांच्या विरोधात उमेदवार उभे केले होते. राज्यातील 288 विधानसभा जागांवर 20 नोव्हेंबर रोजी मतदान झाले असून 23 नोव्हेंबरला त्यांचे निकाल जाहीर होतील.
