Daund News : निकालाच्या अगोदरच विजयाचे बॅनर; अतिउत्साही कार्यकर्त्याचा नादच खुळा !
भाऊबीजेसाठी भावाकडून बहिणीला ५ हजार ५०० मतांची भेट
( दौंड प्रतिनिधी हरिभाऊ बळी )
दौंड, ता. २९ बारामती लोकसभा मतदारसंघात ७ मे रोजी मतदान पार पडले. निवडणुकीत आक्रमक प्रचार झाला. दौंड विधानसभा मतदार संघातील प्रश्न यावर भर दिला गेला होता. आता मतमोजणी ४ जून रोजी होणार आहे. सर्व उमेदवारांचे नशीब मतपेटीत कैद झालेले असताना दौंड विधानसभा मतदारसंघातील खामगाव येथे बारामती लोकसभा मतदारसंघामधील राष्ट्रवादी काँग्रेस ( शरद पवार गटाचे ) उमेदवार सुप्रिया सुळे यांची खासदारपदी बहुमताने विजय भव: अशा आशयाचे बॅनर झळकू लागले आहे.
विशेष म्हणजे या बॅनर वर भावाकडून बहिणीला संपूर्ण दौंड तालुक्यातून ५ हजार ५०० मतांची भेट अशा आशयाचे बॅनर खामगाव ( गाडीमोडी फाटा ) येथे झळकू लागल्याने सर्वसामान्य नागरिकांमधून आश्चर्य व्यक्त केले जात आहे. माञ निकाला आधीच अतिउत्साही कार्यकर्ते विलास नागवडे यांनी हे बॅनर लावल्याने दौंड विधानसभा मतदारसंघात चर्चेचा विषय ठरला आहे.
