Mumbai Crime News : स्वतःच्याच घरात चोरी, हिरे व्यापारी वडिलांच्या तिजोरीतून मुलाने काढले साडेतीन कोटी रुपये,अटक
•दक्षिण मुंबईत एका मुलाने हिरे व्यापारी वडिलांच्या तिजोरीतून साडेतीन कोटी रुपये चोरले. बनावट चावीने लुटण्याचा कट रचला गेला, पोलीस तपासात सत्य समोर आले आणि आरोपीला अटक करण्यात आली.
मुंबई :- दक्षिण मुंबईत एका तरुणाने आपल्याच वडिलांची तिजोरी फोडून कोट्यवधींची मालमत्ता चोरून नेल्याची धक्कादायक घटना समोर आली आहे. ही घटना डीबी मार्ग पोलीस स्टेशन अंतर्गत असलेल्या ऑपेरा हाऊस येथील पंचरत्न बिल्डिंगमध्ये घडली.
याप्रकरणी मिळालेल्या माहितीनुसार, फिर्यादी विपुल जोगाणी हे प्रतिष्ठित हिरे व्यापारी असून त्यांचे कार्यालय पंचरत्न बिल्डिंग, ऑपेरा हाऊसमध्ये आहे. विपुलचा मुलगा निर्मम जोगानी याने वडिलांच्या व्यवसायातील प्रगती आणि तिजोरीत ठेवलेली करोडोंची संपत्ती पाहून चोरीचा कट रचल्याचे पोलिसांनी सांगितले.
पोलिस अधिकाऱ्याने सांगितले की, मुलाने वडिलांच्या नकळत तिजोरीची चावी चतुराईने साबणावर छापली आणि नंतर त्यातून बनावट चावी बनवली. 20 फेब्रुवारीच्या रात्री या बनावट चावीचा वापर करून त्यांनी तिजोरीतून साडेतीन कोटी रुपयांचे हिरे आणि रोकड चोरून नेली.
तपासात पुरावे मिळाल्यानंतर पोलिसांनी आरोपी मुलगा निर्मम जोगाणी याला अटक केली आहे. ही चोरी त्याने एकट्याने केली की अन्य कोणाची मदत घेतली याबाबत सध्या पोलीस अधिक तपास करत आहेत.ही घटना समाजासाठी एक मोठा धडा आहे की विश्वासघात कधीही आणि कुठूनही होऊ शकतो, अगदी स्वतःच्या कुटुंबातूनही.
