Virar Drug Racket : विरारमध्ये अंमली पदार्थ रॅकेटचा पर्दाफाश; 12 तस्कर गजाआड, नायजेरियन महिला अटकेत
Virar Bolij Police Seized 71 Lakh Worth Drugs : 71 लाखांचा मुद्देमाल जप्त; एमडी ड्रग्ज, रोख रक्कम, मोबाईल व वाहन हस्तगत
विरार | विरारच्या बोळींज पोलिसांनी Virar Bolij Police Staion अंमली पदार्थ विक्री करणाऱ्या मोठ्या टोळीचा पर्दाफाश करत 12 तस्करांना अटक केली आहे. यामध्ये दोन महिला असून, एक नायजेरियन महिला आरोपीदेखील आहे. पोलिसांनी आरोपींकडून एकूण 71 लाख 88 हजार रुपयांचा मुद्देमाल जप्त केला आहे. यामध्ये 170 ग्रॅम एमडी ड्रग्ज, 15.52 लाखांची रोख रक्कम, 26 मोबाईल व एक चारचाकी वाहन यांचा समावेश आहे. Virar Police Latest News
ही कारवाई 17 मे रोजी विरारच्या म्हाडा परिसरात अंमली पदार्थांची विक्री करणाऱ्या एका आरोपीच्या अटकेपासून सुरू झाली. त्यानंतर बोळींज पोलीस ठाण्याचे वरिष्ठ पोलीस निरीक्षक प्रकाश कावळे यांच्या मार्गदर्शनाखाली गुन्हे प्रकटीकरण विभागाचे पोलीस निरीक्षक प्रकाश सावंत आणि त्यांच्या पथकाने तपासाची चक्रे फिरवली.
तपासात मिरारोड (3), नालासोपारा (3), विरार (2), ठाणे, काशीमिरा, नायगाव आणि मुंबई दिंडोशी येथून इतर आरोपी ताब्यात घेण्यात आले. ही टोळी राज्यभर अंमली पदार्थांची विक्री करत असल्याचे प्राथमिक चौकशीत स्पष्ट झाले आहे.
अटकेतील एक नायजेरियन महिला, अबेको व्होक्टरी, हिच्यावर यापूर्वीही तुळिंज पोलीस ठाण्यात गुन्हा दाखल असल्याचे निष्पन्न झाले आहे. सध्या ती बोळींज पोलिसांच्या ताब्यात आहे आणि तिच्याकडून अधिक माहिती घेतली जात आहे.
पोलीस निरीक्षक प्रकाश सावंत यांनी सांगितले की, “हा फक्त सुरुवातीचा टप्पा आहे. खरेदी-विक्री करणाऱ्यांची साखळी मोठी आहे. अजूनही काही आरोपींचा तपास सुरू आहे.”
