Thane Police News : ठाणे ग्रामीण पोलिसांची मोठी कारवाई! शहापूरमध्ये गावठी पिस्तुल आणि काडतुसासह एक जण जेरबंद
Thane Police Latest News : पोलीस अधीक्षकांच्या आदेशाने अवैध शस्त्रसाठा शोध मोहिमेला वेग ; स्थानिक गुन्हे अन्वेषण शाखेचा चेरपोली परिसरात यशस्वी सापळा
ठाणे :- ठाणे ग्रामीण पोलीसThane Gramin Police दलाने अवैध शस्त्रसाठा बाळगणाऱ्यांविरुद्ध विशेष मोहीम तीव्र केली आहे. याच मोहिमेअंतर्गत, ठाणे ग्रामीण पोलिसांच्या स्थानिक गुन्हे अन्वेषण शाखेने शहापूर परिसरात मोठी कारवाई करत एका व्यक्तीला गावठी बनावटीचे पिस्तुल आणि एक जिवंत काडतुसासह अटक केली आहे. Thane Police Latest News
ठाणे ग्रामीणचे पोलीस अधीक्षक डॉ. डी.एस. स्वामी आणि अपर पोलीस अधीक्षक अनमोल मित्तल यांनी अवैध शस्त्रास्त्रे बाळगणाऱ्यांचा शोध घेऊन त्यांच्यावर कडक कारवाई करण्याचे आदेश दिले होते. त्यानुसार, स्थानिक गुन्हे अन्वेषण शाखेचे पोलीस निरीक्षक संदीप गिते यांच्या नेतृत्वाखालील पथक कार्यरत होते. Thane Latest Crime News
चेरपोली गावात सापळा
मंगळवारी (14 ऑक्टोबर ) स्थानिक गुन्हे अन्वेषण शाखेला गुप्त माहिती मिळाली की, शहापूर येथील चेरपोली गाव परिसरात दिलावर शेख (वय 45) नावाचा एक इसम अवैधरित्या शस्त्र घेऊन आला आहे.
या माहितीच्या आधारे, पोलीस पथकाने तात्काळ चेरपोली गावात सापळा रचला आणि आरोपी दिलावर शेख याला ताब्यात घेतले. त्याची कसून झडती घेतली असता, त्याच्याजवळ गावठी बनावटीचे पिस्तुल आणि एक काडतुस आढळून आले. पोलिसांनी हा संपूर्ण शस्त्रसाठा जप्त केला आहे.
आरोपी दिलावर शेख याच्याविरोधात शहापूर पोलीस ठाण्यात आर्म्स ॲक्ट (Arms Act) नुसार गुन्हा दाखल करण्यात आला असून त्याला अटक करण्यात आली आहे. या अवैध शस्त्रास्त्राचा वापर कशासाठी केला जाणार होता आणि ही शस्त्रे त्याने कोठून मिळवली, याबाबत पोलीस अधिक तपास करत आहेत.
