Thane Crime News : जुन्या वादातून टेंभी नाक्यावर हल्ला – तरुण गंभीर जखमी

Thane Nagar Police Latest Crime News : आफरीन खान व अज्ञात इसमाकडून धारदार शस्त्राने हल्ला; ठाणेनगर पोलिसांकडून आरोपींचा शोध सुरू

ठाणे – टेंभी नाका Tembhi Naka परिसरात रविवारी रात्री उशिरा एका जुन्या वादातून घडलेल्या हल्ल्याने खळबळ उडाली आहे. सुव्रत अपार्टमेंटसमोरील नवरात्र कार्यालयासमोर बसलेल्या सुधीर कोकाटे आणि त्यांच्या मित्रांवर चॉपरसारख्या धारदार शस्त्राने अचानक हल्ला करण्यात आला. या हल्ल्यात गजानन म्हात्रे (वय 35) हे गंभीर जखमी झाले असून त्यांच्यावर उपचार सुरू आहेत. Thane Latest Crime News

प्राप्त माहितीनुसार, सुधीर कोकाटे हे त्यांचे मित्र गजानन म्हात्रे यांच्यासह टेंभी नाका परिसरात कामानिमित्त थांबले असताना आफरीन खान नावाच्या महिलेसोबत आलेल्या अज्ञात इसमाने जुन्या वादातून कोकाटे व त्यांच्या मित्रांवर हल्ला चढवला. गजानन म्हात्रे यांच्या पाठीवर व डाव्या हातावर धारदार शस्त्राने वार करण्यात आल्याने ते रक्तबंबाळ झाले.

या प्रकरणी ठाणेनगर पोलीस ठाण्यात Thane Nagar Police Station भारतीय दंड विधान कलम ११८(२), 351(3), 49(3)(5) व भारतीय शस्त्र अधिनियम 1959 चे कलम 4,25 अंतर्गत गुन्हा दाखल करण्यात आला आहे. पोलिसांनी घटनेची गंभीर दखल घेतली असून आरोपींचा शोध सुरू आहे.पोलिसांकडून परिसरातील सीसीटीव्ही फुटेजची तपासणी सुरू असून, लवकरच आरोपींना अटक करण्यात येईल, अशी माहिती ठाणेनगर पोलिसांनी दिली आहे. हल्ल्याचे नेमके कारण आणि पार्श्वभूमी तपासाअंती स्पष्ट होणार आहे.