Pune Crime News | भाईगिरीवर आता राहणार वॉच ! सय्यदनगर चौकीसाठी जागेची चाचपणी? वरिष्ठ पोलिस निरिक्षक पाटील यांच्याकडून प्रयत्न

• Pune Crime News | सय्यदनगर येथील नागरिकांच्या सुरक्षेसाठी महत्वपूर्ण निर्णय

पुणे, दि. 8 जुलै, महाराष्ट्र मिरर
मुबारक जिनेरी | Pune Crime News

हडपसर उपनगरात गुन्हेगारीसाठी अल्पावधीतच गाजलेल्या सय्यदनगर परिसरासाठी पोलिस चौकी निर्माण करण्याचा प्रयत्न होत असल्याची माहिती समोर येत आहे. भाईगिरीवर वॉच ठेवण्यासाठी गुन्हेगारांचा कर्दनकाळ ठरणाऱ्या वरिष्ठ पोलिस निरीक्षक मानसिंग पाटील यांच्याकडून जागेची चाचपणी सुरू असल्याची सूत्रांकडून माहिती मिळत आहे. Pune Crime News

वानवडी पोलिस ठाण्याचे विभाजन होऊन काळेपडळ पोलिस ठाणे अस्तित्वात आल्यानंतर महंमदवाडी तरवडे वस्ती येथे काळेपडळ पोलिस ठाणे कार्यान्वित झाले आहे. यापूर्वी वानवडी हद्दीत असणारा सय्यदनगर, हांडेवाडी रोड परिसर काळेपडळ पोलिस ठाण्याच्या हद्दीत समाविष्ट करण्यात आला.

सय्यदनगर, हांडेवाडी रोड, चिंतामणीनगर, उद्योगनगर, श्रीराम चौक, गुलामअलीनगर ते जेएसपीएम भागासाठी महंमदवाडी पोलिस चौकी कार्यान्वित आहे. परंतू सय्यदनगर येथील वाढती गुन्हेगारी थांबविण्यासाठी स्वतंत्र सय्यदनगर पोलिस चौकीची आवश्यकता भासू लागली आहे.

चौकी लांब असल्याने त्रास…

सय्यदनगर, चिंतामणीनगर, हांडेवाडी रोड येथील नागरिकांना तरवडेवस्ती चौकी लांब होत असल्याने सय्यदनगर भागात पोलिस चौकीची आवश्यकता निर्माण झाली आहे. सय्यदनगर येथील नागरिकांच्या सुरक्षेच्या दृष्टीने हा निर्णय महत्वपूर्ण ठरणार आहे.