Vat Purnima 2025: वडाच्या झाडाभोवती सात प्रदक्षिणा आणि अखंड सौभाग्याची कामना
मुंबई :- आज वटपौर्णिमा… एक असा दिवस, जेव्हा स्त्रीच्या श्रद्धा, प्रेम, निष्ठा आणि आस्थेचा अतूट संगम बघायला मिळतो. प्रत्येक वर्षी जेष्ठ महिन्यातील पौर्णिमेला साजरा होणारा हा सण भारतात विवाहित महिलांसाठी खास मानला जातो. आज सकाळपासूनच शहरातील मंदिर परिसर, वडाची झाडं आणि उपवनं पारंपरिक पोशाखात नटलेल्या महिलांनी गजबजलेली दिसत होती.
या दिवशी स्त्रिया आपल्या पतीच्या दीर्घायुष्याची आणि सौभाग्याची प्रार्थना करत वडाच्या झाडाची पूजा करतात. काही ठिकाणी वडवृक्षाला हळद-कुंकू लावून, सुगंधी फुले अर्पण करून धूप, दीप व नैवेद्य अर्पित केला जातो. नंतर झाडाभोवती सात प्रदक्षिणा घेतल्या जातात आणि पारंपरिक ओव्या म्हणत अखंड सौभाग्याची कामना केली जाते.
“वड माजं सावळं, पती माझा दीर्घायुषी राहो…
व्रताच्या निमित्ताने स्त्रिया दिवसभर उपवास करतात. काहीजणी सती सावित्रीच्या जीवनकथेचे वाचन करतात, तर काहीजणी सामूहिक कथाकथनात सहभागी होतात. या दिवशी पूजेनंतर आपल्या पतीला ओटी भरून त्यांच्याशी शुभेच्छा देण्याची प्रथा देखील पारंपरिक पद्धतीने पाळली जाते.
सती सावित्रीची गाथा – श्रद्धेचा स्तंभ
वटपौर्णिमेच्या मागे असलेली पुराणकथा ही सती सावित्री व सत्यवान यांची आहे. यमराज सत्यवानाचा जीव घेऊन जात असताना सावित्रीने आपल्या निष्ठेने आणि धैर्याने त्याला रोखलं आणि अखेर आपल्या पतीचा जीव पुन्हा मिळवला. या कथेने भारतीय स्त्रीला प्रेरणादायक आदर्श दिला. त्यामुळेच हा सण एक धार्मिक विधी न राहता, भारतीय स्त्रीच्या प्रेमाचा, श्रद्धेचा आणि असामान्य धैर्याचा उत्सव ठरतो.
आजच्या आधुनिक युगातही परंपरा जपणाऱ्या नववधूंपासून वृद्ध
मातांपर्यंत सर्वांचे सहभाग
आज शहरात अनेक ठिकाणी वटपौर्णिमेनिमित्त विशेष कार्यक्रम आणि कीर्तनांचे आयोजन करण्यात आले. काही महिलांनी पारंपरिक नववारी साड्यांमध्ये सुंदर भरजरी फुलांची सजावट करून पूजा केली. अनेक ठिकाणी महिलांनी आकर्षक रंगोळी, लेपवलेली पाने आणि वडाच्या फांद्यांनी सजवलेले पूजास्थळ तयार केले होते. यामध्ये नवविवाहित महिलांचा उत्साह विशेष लक्षवेधी होता.
सण, श्रद्धा आणि संस्कृती – वटपौर्णिमा हा स्त्रीच्या
आत्मविश्वासाचा गूंज
भारतीय संस्कृतीतील एक अमूल्य पर्व म्हणजे वटपौर्णिमा. आजच्या डिजिटल युगातही या सणाचं महत्व कमी झालेलं नाही, उलट नव्या पिढीत या परंपरेविषयी अभिमान निर्माण होताना दिसतो. श्रद्धेने नटलेला हा दिवस स्त्रीच्या अंत:करणातील प्रेम, नात्यावरील निष्ठा आणि पतीसाठी तिच्या संकल्पशक्तीचं दर्शन घडवतो.
