Sanjay Raut : खासदार संजय राऊत यांनी उपमुख्यमंत्री एकनाथ शिंदे यांना ‘नरकातला स्वर्ग’ पुस्तकाची प्रत पाठवली, मनमानी तपास यंत्रणांवर थेट आरोप
Sanjay Raut’s Letter To Eknath Shinde शिवसेनेतील जुने सहकारी राऊत-शिंदे यांचा ‘नरकातील स्वर्ग’ अनुभवांचा नव्या राजकीय रंगात टप्पा!
मुंबई :- खासदार संजय राऊत यांनी राज्याचे उपमुख्यमंत्री एकनाथ शिंदे यांना पत्राद्वारे आपल्या ‘नरकातला स्वर्ग’ या पुस्तकाची प्रत पाठवली असून, यावेळी त्यांनी भाजप पुरस्कृत तपास यंत्रणांच्या मनमानी कारवायांवर थेट आरोप केला आहे.
राऊत यांनी आपल्या एकाेकाळच्या मित्र व शिवसेनेतील सहकारी असलेल्या एकनाथ शिंदे यांना शुभेच्छा दिल्या आणि सुरत व गौहाटी येथे गेलेल्या सर्व मंडळींना हे पुस्तक नक्की वाचण्याचे आवाहन केले.
‘नरकातला स्वर्ग’ या पुस्तकाचे प्रकाशन नुकतेच जावेद अख्तर, शरद पवार, उद्धव ठाकरे यांच्या उपस्थितीत दिमाखदारपणे पार पडले. प्रकाशन सोहळ्यात राऊत यांनी सांगितले की, जुलमी आणि लोकशाही न मानणाऱ्या सरकारने त्यांना एका खोट्या प्रकरणात अटक करून 100 दिवस तुरुंगात पाठवले.
राऊत म्हणाले, “राजकीय विरोधकांवर मुस्कटदाबा करणाऱ्या ‘ईडी’, ‘सीबीआय’ यंत्रणांच्या अत्याचारांना मी धैर्याने तोंड दिले आहे. या संघर्षात माझ्या कुटुंबाला मोठी हानी झाली, पण मी माझा स्वाभिमान कधीही गमावला नाही.”
त्यांनी स्पष्टपणे म्हटले की, ‘नरकातला स्वर्ग’ या पुस्तकात त्यांनी तुरुंगातील खडतर अनुभव, विचार आणि मनमानी तपास यंत्रणांशी झालेल्या झुंजाचे सत्य उलगडले आहे. हे पुस्तक राजकीय दडपशाही आणि मनमानी विरोधात एक आवाज आहे, जो राज्याच्या राजकीय वातावरणात नवीन चर्चांना चालना देणार आहे.
राजकीय वादांच्या या वातावरणात, राऊत यांचा हा थेट फटकारा आणि पुस्तकाची भेट उपमुख्यमंत्री शिंदे यांना देणे, शिवसेनेतील भिन्न गटांमधील राजकीय संबंधांची नवीन थरारक चर्चा निर्माण करू शकते.
जय महाराष्ट्र!
