ICC महिला वनडे विश्वचषक २०२५: भारत अंतिम फेरीत! 2 नोव्हेंबरला नवी मुंबईत दक्षिण आफ्रिकेविरुद्ध विजेतेपदाची लढत
ICC One Day Cricket Final : ऑस्ट्रेलियाचा 338 धावांचा डोंगर जेमिमाच्या शतकी खेळीने सर; सामना स्टार स्पोर्ट्स आणि जिओ सिनेमावर थेट प्रक्षेपित होणार
नवी मुंबई :- गुरुवारी (30 ऑक्टोबर) झालेल्या ICC महिला वनडे विश्वचषक 2025 च्या दुसऱ्या उपांत्य सामन्यात भारतीय संघाने बलाढ्य ऑस्ट्रेलियावर दमदार विजय मिळवून अंतिम फेरीत आपले स्थान निश्चित केले आहे. या सामन्यात ऑस्ट्रेलियाने प्रथम फलंदाजी करताना 338 धावांचा डोंगर उभारला होता. या मोठ्या आव्हानाचा पाठलाग करताना, जेमिमा रॉड्रिग्जच्या शतकी खेळीच्या जोरावर भारतीय संघाने हे आव्हान सहज पूर्ण केले आणि ऑस्ट्रेलियाला 5 विकेट्सने पराभूत केले.
अंतिम फेरीतील भिडणार कोण?
या स्पर्धेच्या अंतिम फेरीत भारतीय संघाचा सामना दक्षिण आफ्रिकेविरुद्ध होणार आहे. दक्षिण आफ्रिकेने पहिल्या उपांत्य सामन्यात इंग्लंडचा पराभव करून अंतिम फेरीत प्रवेश केला आहे. दोन्ही संघ मजबूत असल्याने अंतिम लढत अत्यंत अटीतटीची होण्याची शक्यता आहे.
अंतिम सामन्याचे वेळापत्रक आणि ठिकाण
- संघ: भारत विरुद्ध दक्षिण आफ्रिका
- दिनांक: 2 नोव्हेंबर
- स्थळ: नवी मुंबईतील डी. वाय. पाटील स्टेडियम
- वेळ: भारतीय वेळेनुसार सामना दुपारी 3:00 वाजता सुरू होईल. नाणेफेक (टॉस) दुपारी 2:30 वाजता होईल.
प्रसारण तपशील
भारत आणि दक्षिण आफ्रिका यांच्यातील हा महत्त्वाचा अंतिम सामना तुम्ही स्टार स्पोर्ट्स नेटवर्कवर लाईव्ह पाहू शकता. तसेच, मोबाईलवर हा सामना जिओ सिनेमा ॲपवर देखील थेट पाहता येणार आहे.
ऑस्ट्रेलिया सामन्यातील कामगिरी
ऑस्ट्रेलियाने नाणेफेक जिंकून प्रथम फलंदाजी करताना 338 धावा केल्या होत्या. ऑस्ट्रेलियाकडून लिचफील्डने दमदार शतकी खेळी केली, तर एलिस पेरीने अर्धशतकी योगदान दिले होते. धावांचा पाठलाग करताना भारताकडून कर्णधार हरमनप्रीत कौरने 89 धावांची महत्त्वपूर्ण खेळी केली, तर शेवटी जेमिमा रॉड्रिग्सने नाबाद शतकी खेळी करून संघाला विजय मिळवून दिला.
