गुजरातमधील बनासकांठा फटाक्यांच्या कारखान्यात झालेल्या भीषण स्फोटात 13 जणांचा मृत्यू
Gujrat Fire Crackers Factory Blast News : गुजरातमधील बनासकांठा येथील डीसा औद्योगिक परिसरात फटाक्यांच्या कारखान्यात आग लागल्यानंतर अनेक स्फोट झाले. या अपघातात 13 जणांचा मृत्यू झाल्याची माहिती अधिकाऱ्यांनी दिली.
ANI :- मंगळवारी (1 एप्रिल) गुजरातमधील बनासकांठा जिल्ह्यातील डीसा शहरात फटाक्यांच्या कारखान्याला लागलेल्या आगीत 13 जणांचा मृत्यू झाला.डीसा ग्रामीण पोलीस ठाण्याचे निरीक्षक विजय चौधरी यांनी सांगितले की, आगीनंतर झालेल्या मालिका स्फोटांमुळे शहराजवळील कारखान्याचा काही भाग कोसळल्याने अनेक कामगार अडकले होते.
बनासकांठाचे जिल्हाधिकारी मिहिर पटेल म्हणाले, “आज सकाळी आम्हाला डीसा औद्योगिक परिसरात मोठा स्फोट झाल्याची माहिती मिळाली.” अग्निशमन दलाने घटनास्थळी पोहोचून आग आटोक्यात आणली. अनेक जखमी मजुरांना वेगवेगळ्या रुग्णालयात पाठवण्यात आले. स्फोट इतका भीषण होता की कारखान्याचा स्लॅब कोसळला.
जेसीबीच्या सहाय्याने ढिगारा हटवण्यात आला. आग इतकी भीषण होती की मृत कामगारांच्या शरीराचे भाग दूरवर विखुरले गेले. अपघातात जीव गमावलेल्या लोकांची संख्याही वाढू शकते, कारण अपघाताच्या वेळी 20 हून अधिक लोक उपस्थित होते असा संशय आहे. आतापर्यंत 13 मृतदेह बाहेर काढण्यात आले असून, 4 जणांना गंभीर अवस्थेत रुग्णालयात दाखल करण्यात आले आहे.
