Shivaji Park Thackeray Brothers Diwali : दिपोत्सवाच्या निमित्ताने एक ऐतिहासिक आणि भावनिक सोहळा शिवाजी पार्कवर पार पडला, जिथे ठाकरे कुटुंबातील दोन प्रमुख बंधू, उद्धव ठाकरे आणि राज ठाकरे, अनेक वर्षांनी एकत्र दिसले. राज ठाकरे यांच्या मनसेने आयोजित केलेल्या या दीपोत्सवाचे उद्घाटन उद्धव ठाकरे यांच्या हस्ते झाले.
मुंबई :- या सोहळ्याचे सर्वात मोठे आकर्षण ठरले ते उद्धव ठाकरे Uddhav Thackeray आणि राज ठाकरे Raj Thackeray यांचे एकाच गाडीतून शिवाजी पार्कवरThackeray Shivaji Park Diwali आगमन. हा क्षण उपस्थित जनसमुदायासाठी आणि राजकीय वर्तुळासाठी अत्यंत महत्त्वाचा होता. त्यांच्यासोबतच ठाकरे कुटुंबातील युवा पिढीचे चेहरे, आदित्य ठाकरे आणि अमित ठाकरे, तसेच तेजस ठाकरे आणि मिताली ठाकरे ही भावंडेही एकाच वेळी उपस्थित होती. यामुळे ठाकरे कुटुंबातील नात्यांचा धागा पुन्हा घट्ट झाल्याचे चित्र दिसले. रश्मी ठाकरे, शर्मिला ठाकरे आणि राज ठाकरे यांच्या मातोश्री कुंदा ठाकरे यांच्यातील स्नेहबंधही यानिमित्ताने अधिक दृढ झाल्याचे पाहायला मिळाले. Maharashtra Political Latest News
अनेक वर्षांनी ठाकरे कुटुंब अशा प्रकारे एकत्र एका व्यासपीठावर येण्याचा योग जुळून आला होता. गेल्या तीन महिन्यांतील उद्धव आणि राज यांच्यातील ही सातवी भेट होती, जी आगामी राजकीय समीकरणांसाठी महत्त्वपूर्ण मानली जात आहे.
यावेळी बोलताना उद्धव ठाकरे यांनी उपस्थितांना दिवाळीच्या शुभेच्छा दिल्या आणि ही दिवाळी ‘वेगळी आणि विशेष’ असल्याचे नमूद केले. त्यांनी आपल्या भाषणात “मराठी माणसाच्या एकजुटीचा प्रकाश हा सर्वांना आनंद देत राहील,” असे सूचक विधान केले. यातून त्यांनी आगामी स्थानिक स्वराज्य संस्थांच्या निवडणुकांमध्ये दोन्ही पक्ष एकत्र येऊन लढणार असल्याचे स्पष्ट संकेत दिले असल्याची चर्चा राजकीय वर्तुळात सुरू झाली आहे.
या सोहळ्यामुळे शिवाजी पार्कवरील जुन्या वादांना पूर्णविराम मिळाल्याचेही स्पष्ट झाले. पूर्वी सभांच्या परवानगीवरून किंवा अन्य मुद्द्यांवरून ठाकरे बंधूंमध्ये मतभेद होते, मात्र आता हिंदी सक्तीविरोधाच्या मुद्द्यावर एकत्र आल्यानंतर दीपोत्सवाच्या निमित्ताने त्यांच्यातील दरी मिटल्याचे चित्र दिसले. या प्रसंगी शिवसेना (ठाकरे) नेते संजय राऊत, मनसे नेते बाळा नांदगावकर, नितीन सरदेसाई, संदीप देशपांडे आदी प्रमुख नेते उपस्थित होते.
फोटो गॅलरी
