Supriya Sule : NEET आणि UGC-NET च्या मुद्द्यावरून खासदार सुप्रिया सुळे मोदी सरकारवर संतप्त

Supriya Sule : NEET आणि UGC-NET च्या मुद्द्यावरून सुरू असलेल्या वादाच्या पार्श्वभूमीवर,बारामतीच्या खासदार सुप्रिया सुळे यांनी पहिली प्रतिक्रिया दिली आहे. सुळे यांनी मोदी सरकारवरही हल्लाबोल केला आहे.

पुणे :- नॅशनल टेस्टिंग एजन्सी (NTA) NEET 2024 च्या निकालांची घोषणा आणि UGC-NET 2024 रद्द करण्याच्या वादानंतर चर्चेत आली आहे. एजन्सीच्या कारभाराला व कार्यक्षमतेला विद्यार्थी, पालक व शिक्षक तीव्र विरोध व्यक्त करत आहेत. NEET परीक्षेबाबत दररोज नवनवीन खुलासे होत आहेत. आता या संपूर्ण प्रकरणावर शरद पवार गटाच्या नेत्या आणि बारामतीच्या खासदार सुप्रिया सुळे यांची प्रतिक्रिया समोर आली आहे.

NEET आणि UGC-NET च्या मुद्द्यावर, राष्ट्रवादी काँग्रेस शरद पवार गटाच्या खासदार सुप्रिया सुळे म्हणाल्या, “हे भारत सरकारचे संपूर्ण अपयश आहे, कारण इतके तंत्रज्ञान असूनही, स्पर्धांमध्ये इतक्या अनियमितता का आहेत हे मला समजत नाही. प्रत्येक वेळी परीक्षा असते.”

सुप्रिया सुळे पुढे म्हणाल्या, “विद्यार्थी आणि पालक त्यांच्या आयुष्यातील हा मोठा टप्पा पार करण्यासाठी खूप मेहनत घेतात, जर त्यांची अशा प्रकारे फसवणूक होत असेल तर हे अत्यंत दुर्दैवी आहे आणि आम्ही हा मुद्दा उपस्थित करणार आहोत सरकार अनेक मुद्द्यांवर बॅकफूटवर आहे.एनईईटीच्या वैद्यकीय प्रवेश परीक्षेतील कथित अनियमिततेविरोधातील आंदोलने तीव्र झाली आहेत. देशाच्या विविध भागांत या विरोधात लोक निदर्शने करत आहेत. या प्रकरणात, सरकारने सांगितले की, अनियमिततेच्या ‘तुरळक’ घटनांचा परिणाम नीट परीक्षेत उत्तीर्ण झालेल्या लाखो विद्यार्थ्यांवर होऊ नये. NEET वरील वाढत्या वादाच्या पार्श्वभूमीवर UGC-NET रद्द केल्याने नॅशनल टेस्टिंग एजन्सी (NTA) च्या मोठ्या प्रमाणावर परीक्षा आयोजित करण्याच्या क्षमतेवर प्रश्न उपस्थित झाले आहेत.