Mumbai Crime News : धक्कादायक ! विक्रोळीतील नराधमाची विकृती – 17 वर्षीय मुलीवर खिडकीतून घरात घुसून अत्याचार
Mumbai Latest Crime News : ‘सांगितले तर बदनामी करीन’ म्हणत धमकी; अखेर पीडितेचा धाडसी निर्णय
मुंबई :- “राखण करणाऱ्यांचं शहर” म्हणून ओळखल्या जाणाऱ्या मुंबईत पुन्हा एकदा असंवेदनशीलतेचा काळा अध्याय उघड झाला आहे. विक्रोळी पार्कसाईटमध्ये एका 31 वर्षीय नराधमाने 17 वर्षांच्या अल्पवयीन मुलीवर तब्बल 20 दिवस लैंगिक अत्याचार केल्याची संतापजनक घटना उघडकीस आली आहे.
अधिकाऱ्यांकडून मिळालेल्या माहितीनुसार, आरोपी समीर शेफिक शेख (वय 31) याने 10 ते 29 मे 2025 या कालावधीत पीडित मुलीच्या राहत्या घरात खिडकीतून जबरदस्ती प्रवेश करून तिच्यावर अनेकवेळा अत्याचार केला.
धमकीच्या छायेत जगणारी बालिका
ही बालिका भीतीने गप्प राहिली, कारण आरोपीने तिला स्पष्ट शब्दांत धमकावलेः “कोणाला सांगितलंस, तर तुझी बदनामी करीन!” तिच्या कोवळ्या मनावर ताण निर्माण झाला होता, पण अखेर 29 मे रोजी रात्री तिने धाडस करून पार्कसाईट पोलीस ठाण्यात तक्रार दाखल केली.
या घटनेवरून पार्कसाईट पोलिसांनी ठाण्यात Vikhroli Police Station अंतर्गत BNS कलम 64(2) (D), 351 (2) आणि POCSO कायद्याच्या 4 व 8 कलमांखाली गुन्हा दाखल करून आरोपी समीर शेखला अटक केली आहे.घटना विक्रोळी पश्चिम, जैन मंदिराजवळील हिमालया बेकरीच्या परिसरात घडली.पुढील तपास पोलीस उपनिरीक्षक चंद्रकांत माळी हे करत आहेत. सध्या आरोपी पोलीस कोठडीत आहे.
