धक्कादायक! बारामतीत विमान कोसळले; उपमुख्यमंत्री अजित पवार यांचे अपघाती निधन

Ajit Pawar Latest News : लँडिंग दरम्यान विमानाला भीषण आग; ‘दादा’ पर्वाचा अकाली अस्त, महाराष्ट्र शोकसागरात

बारामती | महाराष्ट्राच्या राजकारणातील एक धडाडीचे आणि कणखर नेतृत्व, राज्याचे उपमुख्यमंत्री अजित पवार Ajit Pawar Died(66 वय) यांचे आज (28 जानेवारी 2026) सकाळी बारामती येथे झालेल्या विमान अपघातात दुर्दैवी निधन झाले. जिल्हा परिषद निवडणुकीच्या प्रचारासाठी मुंबईहून बारामतीकडे येत असताना सकाळी 8.45 च्या सुमारास त्यांचे विमान लँडिंग दरम्यान अपघातग्रस्त झाले. या भीषण दुर्घटनेत अजित पवार यांच्यासह विमानातील सर्व सहा जणांचा मृत्यू झाल्याची माहिती अधिकृत सूत्रांकडून देण्यात आली आहे. Ajit Pawar Latest News

नेमकी घटना काय?

अजित पवार हे आज बारामतीमध्ये चार प्रचार सभांसाठी मुंबईहून खासगी विमानाने (Learjet 45) निघाले होते. बारामती विमानतळावर लँडिंग करण्याच्या तयारी असतानाच विमानामध्ये तांत्रिक बिघाड झाल्याची प्राथमिक माहिती आहे. विमान धावपट्टीवर उतरण्यापूर्वीच काही अंतरावर कोसळले आणि त्याला भीषण आग लागली. आगीची तीव्रता इतकी मोठी होती की विमानाचा अक्षरशः कोळसा झाला.