Share Market Scam : शेअर मार्केटमध्ये गुंतवणूक करण्यास सांगून फसवणूक ; 8.60 लाखांची आर्थिक ऑनलाईन फसवणूक

•Ambernath Share Market Scam अंबरनाथ शिवाजीनगर पोलीस ठाण्यात गुन्हा दाखल

अंबरनाथ :- शेअर मार्केटमध्ये गुंतवणुकीचे आमिष दाखवून अंबरनाथ येथील सचिन अरविंद कुलकर्णी (52 वर्ष) यांची ऑनलाईन दोन भामट्याने 8 लाख 60 हजार रुपयांची फसवणूक केल्याचा प्रकार उघड झाला आहे. याप्रकरणी फसवणुकीचा गुन्हा दाखल झाल्याची माहिती शिवाजीनगर पोलिसांनी शुक्रवारी दिली.

अंबरनाथ मधील रहिवासी कुलकर्णी यांना मार्च 2024 ते जुलै 2024 या काळात अनोळखी भामट्याने कॉल करून शेअर मार्केटमध्ये गुंतवणूक करण्यास सांगितले. टायगर ग्लोबल ग्लोबल कंपनीचे आयपीओ खरेदी करण्यासाठी कुलकर्णी यांना 8 लाख 60 हजार इतकी रक्कम ऑनलाइन पाठवण्यास सांगून ती परत न करता त्यांची आर्थिक फसवणूक केली. या प्रकाराबाबत कुलकर्णी यांनी 23 जुलै रोजी केलेल्या तक्रारीवरून तंत्रज्ञान अधिनियम 2000 चे कलम 66 (ड), 66 (क) गुन्हा दाखल केला आहे. याप्रकरणी पोलिस निरीक्षक गुन्हे पादीर हे अधिक तपास करीत आहेत.