•Sharad Pawar Meets Rahul Gandhi महाराष्ट्रात यांच वर्षी विधानसभा निवडणुका होणार असून, त्यात काँग्रेस-शिवसेना (ठाकरे)-राष्ट्रवादी काँग्रेस (शरद पवार गट) आणि भाजप-शिवसेना युती यांच्यात लढत आहे.
नवी दिल्ली :- काँग्रेस नेते राहुल गांधी यांनी मंगळवारी राष्ट्रवादी काँग्रेसचे (शरदचंद्र पवार) अध्यक्ष शरद पवार आणि शरद पवार सह काही महत्त्वाच्या नेत्यांनी विरोधी पक्ष नेते राहुल गांधी यांची भेट घेतली. या बैठकीत इंडिया आघाडी मजबूत करण्याच्या मार्गांवर चर्चा करण्यात आली. शरद पवार यांनी संसद भवन परिसरात लोकसभेतील विरोधी पक्षनेते गांधी यांची भेट घेतली. महाराष्ट्रातील महाविकास आघाडी आणि इंडिया आघाडी मजबूत करण्याच्या मार्गांवर आणि राज्यातील राजकीय परिस्थितीवरही चर्चा झाल्याचे सांगितले जात आहे.या वर्षाच्या अखेरीस महाराष्ट्रात विधानसभा निवडणुका होणार आहेत, ज्यामध्ये काँग्रेस-शिवसेना (ठाकरे)-राष्ट्रवादी काँग्रेस (शरद पवार) भाजप-शिवसेना युतीला सत्तेतून बाहेर काढण्याचा प्रयत्न करतील.
काँग्रेस, उद्धव ठाकरे यांच्या नेतृत्वाखालील शिवसेना (ठाकरे) आणि राष्ट्रवादी काँग्रेस पक्ष (शरद पवार) यांचा समावेश असलेली महाविकास आघाडी आगामी महाराष्ट्राच्या निवडणुका एकत्रितपणे लढवणार असल्याची घोषणा राष्ट्रवादी काँग्रेस (शरद पवार) प्रमुखांनी रविवारी केली. राजकीय बदल घडवून आणण्यासाठी विरोधी पक्षांनी एकजुटीची स्थापना करावी, यावर त्यांनी भर दिला. जागावाटपावर लवकरच चर्चा सुरू होईल, असेही शरद पवार म्हणाले.लोकसभेतील विजयानंतर महाविकास आघाडीचे मनोधैर्य उंचावले असून महा विकास आघाडीचे संपूर्ण लक्ष आता आगामी विधानसभा निवडणुकीवर आहे.
