Dharashiv Suicide News : नृत्याच्या मोहातून जीवन संपले! – कला केंद्रातील नर्तिकेसोबतच्या वादातून धाराशिवमध्ये 25 वर्षीय तरुणाची गळफास घेऊन आत्महत्या
Dharashiv Latest Suicide News : प्रेमसंबंधात पत्नीचा फोन आल्याने वाद! प्रियकराच्या आत्महत्येच्या धमकीकडे प्रेयसीने केले दुर्लक्ष; पोलिसांनी महिलेस घेतले ताब्यात, महाराष्ट्रात अशा घटनांची मालिका सुरू
धाराशिव :- सोलापूर आणि बीडपाठोपाठ आता धाराशिवमध्येही प्रेमसंबंधातील कटू वादातून एका तरुणाने आत्महत्या केल्याची हृदयद्रावक घटना उघडकीस आली आहे. धाराशिवमधील एका कला केंद्रात नृत्य काम करणाऱ्या महिलेसोबतच्या अनैतिक प्रेमसंबंधातून झालेल्या वादातून अश्रुबा अंकुश कांबळे (वय 25, रा. रुई ढोकी) या युवकाने टोकाचे पाऊल उचलले.
देवदर्शनाहून परतताना झाला वाद
अश्रुबा कांबळे यांचे गेल्या 5 वर्षांपासून ‘साई कला केंद्रा’तील नर्तिकेशी प्रेमसंबंध होते. मृत तरुण आणि ती नर्तिका काल (8 डिसेंबर) शिखर शिंगणापूर येथे देवदर्शनासाठी गेले होते. देवदर्शन करून परतत असताना त्यांच्यात वाद सुरू झाला. या वादाचे कारण ठरले— मृत प्रियकराच्या पत्नीचा आलेला फोन पत्नीच्या फोनवरून नर्तिका आणि अश्रुबा यांच्यात मोठा वाद झाला, ज्यामुळे संतप्त झालेल्या अश्रुबाने आत्महत्या करण्याची धमकी दिली आणि तो तिथून निघून गेला.
धमकीकडे दुर्लक्ष आणि जीवनाचा अंत
धक्कादायक बाब म्हणजे, प्रियसीने अश्रुबाच्या या धमकीकडे गांभीर्याने पाहिले नाही आणि काही वेळाने अश्रुबाने गळफास घेऊन आपले जीवन संपवल्याचे उघड झाले.
या घटनेमुळे धाराशिव जिल्ह्यात मोठी खळबळ उडाली आहे. येरमाळा पोलिसांनी तात्काळ घटनास्थळी धाव घेत पंचनामा केला आणि मृतदेह नातेवाईकांच्या ताब्यात दिला. पोलिसांनी आरोपी महिलेलाही ताब्यात घेतले असून, महिलेने तरुणाला आत्महत्येसाठी प्रवृत्त केले होते का, याचा कसून तपास सुरू आहे.
