Pune Truck Accident CCTV Video : पुण्यात महापालिकेचा संपूर्ण ट्रक खड्ड्यात, धक्कादायक व्हिडिओ व्हायरल

•अग्निशमन दलाच्या एका अधिकाऱ्याने सांगितले की, ड्रेनेज लाईन साफ करण्यासाठी वापरण्यात आलेल्या जेटिंग मशीन ट्रकचा चालक सुखरूप

पुणे :- पुण्यात शुक्रवारी सिटी पोस्ट ऑफिसच्या आवारात सिंकहोल फुटल्याने नागरी स्वच्छता विभागाचा ट्रक त्यात पडला. ही घटना दाट लोकवस्ती असलेल्या बुधवार पेठेत दुपारी चारच्या सुमारास घडली.अग्निशमन दलाच्या एका अधिकाऱ्याने सांगितले की, ड्रेनेज लाईन साफ करण्यासाठी वापरण्यात आलेल्या जेटिंग मशीन ट्रकचा चालक सुखरूप आहे.

ड्रेनेज साफ करण्यासाठी ट्रकला पाचारण करण्यात आले, त्यावेळी अचानक ट्रक जमिनीत बुडू लागला. मिळालेल्या माहितीनुसार, ट्रकशिवाय अनेक मोटारसायकलीही त्यात पडल्या. अग्निशमन दलाचे अधिकारी सुभाष जाधव यांनी सांगितले की, दुपारी 4.15 च्या सुमारास या घटनेची माहिती मिळाली. माहिती मिळताच सुमारे 20 कर्मचारी घटनास्थळी रवाना झाले.सुदैवाने ट्रकचा चालक सुखरूप बचावल्याचे त्यांनी सांगितले.