Pune Dry Day : ‘ड्राय डे’ असताना अवैध मद्य विक्री; हिंजवडीत हॉटेल मालकासह जागा मालकावर गुन्हा दाखल

Pune Illegal Liquor Seller Arrested : 44 हजारांचे मद्य जप्त; नियमांचे उल्लंघन करत आर्थिक फायद्यासाठी हॉटेलचा वापर

पुणे/हिंजवडी :- ‘ड्राय डे’ (मद्य विक्रीस बंदी) असतानाही बेकायदेशीरपणे मद्य विक्री करणाऱ्या एका हॉटेलवर हिंजवडी पोलिसांनी मोठी कारवाई केली आहे. याप्रकरणी हॉटेल मालकासह व्यवस्थापक आणि जागा मालकावर गुन्हा दाखल करण्यात आला आहे. ही घटना हिंजवडी परिसरातील Pune Hinjewadi साखरेवस्ती येथे उघडकीस आली आहे. Pune Latest Crime News

पोलीस शिपाई अजित शिंदे यांनी हिंजवडी पोलीस ठाण्यात Pune Hinjewadi Police Station यासंबंधी फिर्याद दिली आहे. त्यानुसार हॉटेल मालक, व्यवस्थापक आणि जागा मालक यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, हॉटेल मालक आणि व्यवस्थापक यांनी ‘ड्राय डे’ असताना, तसेच मद्य विक्री करण्याचा कोणताही वैध परवाना नसताना, केवळ स्वतःच्या आर्थिक फायद्यासाठी हॉटेलमध्ये मद्य विक्री सुरू ठेवली होती. यावेळी पोलिसांनी कारवाई केली असता, त्यांच्याकडे 44 हजार 865 रुपये किमतीची मद्य विक्रीसाठी ठेवलेली आढळून आली.

या कारवाईत जागा मालकाची भूमिकाही संशयास्पद आढळली आहे. हॉटेल मालकाकडे मद्य विक्रीचा वैध परवाना नाही हे माहीत असताना देखील जागा मालकाने आपली जागा हॉटेल चालवण्यासाठी आणि अवैध मद्य विक्रीसाठी भाड्याने उपलब्ध करून दिली, असे पोलिसांनी स्पष्ट केले आहे.याप्रकरणी हिंजवडी पोलीस अधिक तपास करत आहेत.