Pune Crime News | धक्कादायक : पुणे पोलिसांची मोठी चुक ! मोक्का गुन्ह्यातील 3 फरार आरोपींना अटक दाखवताच जामीन !

पुणे, दि. 10 ऑगस्ट, महाराष्ट्र मिरर
मुबारक जिनेरी | Pune Crime News

वानवडी पोलिस ठाण्यात दाखल मोक्काच्या गुन्ह्यात दोन वर्षांपासून फरार आरोपींना गुन्हे शाखेकडून अटक करण्यात आली. यावेळी वानवडी पोलिसांनी आरोपींना अटक करून हजर करताच त्यांना कोर्टात जामीन मिळाल्याने पोलिस प्रशासन व न्यायपालिकेत खळबळ उडाली आहे. Pune Crime News

वानवडी पोलीस स्टेशन गु.र.नं. ४०५/२०२३ भादवि कलम १४३,१४४,१४७,१४८,१४९, ३०२, ३०७.३२३.५०४ भारतीय हत्यार कायदा कलम ४ (२५), क्रिमिनल लॉ अमेंडमेंट कायदा कलम ७. महा. पो.अधि. कलम ३७ (१), ३७ (३) सह १३५ या गुन्हयामधील आरोपी १) सिकंदर आयुब शेख/सय्यद, वय ३४ वर्षे, रा.लेन नंबर १९ सय्यदनगर हडपसर पुणे २) जाकीर कादीर सय्यद, वय ४२ वर्षे, रा. सदर ३) अमिर अकील सय्यद, वय २३ वर्षे, या आरोपींना विजापुर, राज्य कर्नाटक हद्दीतुन कायदेशीर प्रक्रिया राबवुन युनिट-५ गुन्हे शाखेकडून ताब्यात घेण्यात आले होते. आरोपी हे गुन्हा घडल्यापासुन वेगवेगळ्या ठिकाणी आपली ओळख लपवुन वास्तव करीत होते. तसेच नमुद आरोपी हे यातील फिर्यादी यांना वेळोवेळी प्रत्यक्ष व अप्रत्यक्षरित्या जिवे ठार मारण्याची धमकी देत होते.

सदर आरोपींना गुन्हे शाखेने पुढील कारवाई करिता वानवडी पोलिस ठाण्याकडे सुपुर्द केले होते. वानवडी पोलिसांनी आरोपींना कोर्टापुढे हजर करताना प्रोसिंडींगच्या चुकीमुळे थेट जामीन मिळाला आहे.

मोक्कातील आरोपींना थेट जामीन मिळाल्याने पोलिस प्रशासनात खळबळ उडाली आहे तर न्यायपालिकेतदेखिल यावरून चर्चा रंगली आहे.

पुन्हा आरोपींचा शोधाशोध ?

कोर्टाकडून आरोपींना जामीन मिळाल्यानंतर त्यांना तात्काळ सूटका झाल्याचे समजते. यानंतर पोलिसांना चूक लक्षात येताच पुन्हा आरोपींचा शोधाशोध सूरू झाल्याची माहिती आहे.