Pune Car Accident: पुण्यातील पोर्शे कार अपघातप्रकरणी मोठा खुलासा, रुग्णालयातील कर्मचाऱ्याचे लाच घेतानाचे सीसीटीव्ही फुटेज समोर
Pune Porsche Car Accident Latest Update : पुणे पोर्शे अपघात प्रकरणात आता नवा खुलासा समोर आला आहे. रुग्णालयातील कर्मचाऱ्याला लाच घेतानाचे सीसीटीव्ही फुटेज पोलिसांना मिळाले आहे. या रस्ता अपघातात दोघांचा मृत्यू झाला.
पुणे :- पुणे पोलिसांना Pune Police सीसीटीव्ही फुटेज मिळाले असून त्यात ससून रुग्णालयातील (Sasoon Hospital Bribe Video) एक कर्मचारी लाच घेताना दिसत आहे. पोर्श कार अपघातात दोन लोक ठार झालेल्या किशोरवयीन ड्रायव्हरच्या रक्ताचे नमुने बदलण्याच्या कटाचा भाग असल्याचा आरोप कर्मचाऱ्यावर आहे. Pune Porsche Car Accident Latest Update
येरवडा परिसरात रेकॉर्ड केलेल्या फुटेजमध्ये मध्यस्थ अश्पाक मकांदर रुग्णालयातील कर्मचारी अतुल घाटकांबळे पैसे देताना दिसत आहेत, असे गुन्हे शाखेच्या ( Crime Branch) अधिकाऱ्याने सांगितले. कल्याणी नगर परिसरात 19 मे रोजी झालेल्या अपघातात, एका किशोरवयीन ड्रायव्हरने चालविलेल्या पोर्शने कारने धडक दिली आणि त्यात दोन आयटी इंजिनियरचा मृत्यू झाला आहे. येरवडा पोलीस ठाण्याच्या हद्दीत हा अपघात झाला.
अल्पवयीन मुलाचे वडील बिल्डर विशाल अग्रवाल यांनी दिलेल्या तीन लाख रुपयांपैकी सहआरोपी डॉ. श्रीहरी हलनोर यांनी अडीच लाख रुपये स्वीकारले, तर घाटकांबळे यांनी 50 हजार रुपये स्वीकारले, असा दावा पोलिसांनी केला आहे. डॉ.हलनोर आणि घाटकांबळे यांच्याकडून रक्कम जप्त केल्याचा दावा पोलिसांनी केला आहे. अल्पवयीन तरुण सध्या निरीक्षण गृहात आहे, तर रक्ताचे नमुने बदलल्याच्या आरोपाखाली त्याच्या आई आणि वडील आजोबा यांना हि अटक करण्यात आली आहे. Pune Porsche Car Accident Latest Update
