•प्रेम, शांती आणि बंधुतेचा संदेश; प्रभू येशू ख्रिस्ताच्या चरणी मोदी नतमस्तक
ANI | नाताळ सणाचे औचित्य साधून पंतप्रधान नरेंद्र मोदी यांनी आज सकाळी दिल्लीतील ऐतिहासिक ‘द कॅथेड्रल चर्च ऑफ द रिडेम्पशन’ येथे भेट दिली. यावेळी त्यांनी विशेष प्रार्थनेत सहभाग घेतला आणि देशात सुसंवाद व बंधुता वाढावी, अशी भावना व्यक्त केली.
सोशल मीडियावरून दिला संदेश
या भेटीचे फोटो सोशल मीडियावर शेअर करत पंतप्रधान म्हणाले, “आज नाताळच्या सकाळी दिल्लीतील कॅथेड्रल चर्चमधील प्रार्थनेला उपस्थित राहिलो. ही प्रार्थना प्रेम, शांती आणि करुणेचा शाश्वत संदेश प्रतिबिंबित करते. ख्रिसमसची ही भावना आपल्या समाजात सुसंवाद आणि बंधुभाव अधिक वृद्धिंगत करेल, अशी मला खात्री आहे.”
सर्वात जुन्या चर्चमध्ये उपस्थिती
दिल्लीतील हे कॅथेड्रल चर्च आपल्या भव्य वास्तुकलेसाठी आणि ऐतिहासिक वारशासाठी ओळखले जाते. हे शहरातील सर्वात जुन्या आणि मोठ्या चर्चपैकी एक आहे. नाताळनिमित्त या चर्चमध्ये दरवर्षी विशेष सजावट केली जाते आणि हजारो भाविक दर्शनासाठी येतात. पंतप्रधान मोदींनी यापूर्वीही या चर्चला भेट देऊन ख्रिस्ती बांधवांसोबत संवाद साधला आहे.
देशभरात उत्साहाचे वातावरण
पंतप्रधानांच्या या भेटीमुळे ख्रिस्ती समाजात आनंदाचे वातावरण असून, त्यांनी दिलेल्या शांतता आणि करुणेच्या संदेशाचे सर्व स्तरांतून स्वागत होत आहे. संपूर्ण दिल्लीसह देशभरात आज प्रभू येशू ख्रिस्ताचा जन्मोत्सव मोठ्या उत्साहात साजरा केला जात आहे.
Haider Ali Shaikh On Mumbai BMC School : TET नसलेल्या शिक्षकांच्या नियुक्तीवरून हैदर अली शेख…
Mumbai Money Laundering Case : सामान्य नागरिकांच्या कागदपत्रांचा आधार घेऊन उघडला 'फसवणुकीचा खजिना' | गुन्हे…
Mumbai Police Latest News : पोलीस दलाच्या आधुनिकीकरणावर राज्य सरकारचा भर | कौशल्य विकास मंत्री…
Maharashtra Political Latest News : वरळीच्या अधिवेशनात होणार मोठी घोषणा | पार्थ पवार यांना राज्यसभेची…
Eknath Shinde On VSR COMPANY : पक्षाचे मंत्री, नेते आणि आमदार आता 'व्हीएसआर'ने प्रवास करणार…
PM Modi Latest News : जागतिक राजकारणात नवा विक्रम | 10 कोटी फॉलोअर्स असणारे पहिले…