Panvel Accident News अपघातात एका महिलेचा जागीच मृत्यू, ट्रक चालक फरार
पनवेल : पनवेल जवळील आदई गावाजवळील ब्रीज जवळ पुढे जाणार्‍या वाहनाला भरधाव वेगाने पाठीमागून आलेल्या ट्रकने धडक दिल्याने झालेल्या अपघातात गाडीतील एका महिलेचा मृत्यू झाला आहे. तर इतर 3 जण जखमी झाले आहेत.
पनवेल जवळील आदई गावाजवळील ब्रीज वरुन दिनेश शिंदे (45 रा.नेरुळ) हे त्यांच्या ताब्यातील गाडी क्र.एमएच-12-एचएफ-1789 ही घेवून मुंबई-पुणे महामार्गावरुन मुंबई बाजूकडे जात असताना खांदेश्‍वर पोलीस ठाण्याच्या हद्दीतील कि.मी.2/650 या ठिकाणी त्यांनी त्यांच्या गाडीचा वेग कमी केला असता पाठीमागून येणारा ट्रक क्र.टीएन-34-झेड-8974 वरील चालकाने वेडीवेल (36 वर्ष, रा.तामिळनाडू) याला ट्रक अनियंत्रिण झाल्याने पुढे असणार्‍या कारला पाठीमागून धडक देवून झालेल्या अपघातात गाडीतील निर्मला जनार्दन शिंदे (62 वर्ष) या गंभीररित्या जखमी होवून मृत्यू झाला आहे. तर दिनेश शिंदे, शिल्पा दिनेश शिंदे व वैष्णव दिनेश शिंदे हे जखमी झाले आहेत. या अपघाताची माहिती मिळताच महामार्ग पोलीस केंद्र पळस्पेचे पथक, पोलीस उपनिरीक्षक वैभव रोंगे व त्यांचे पथक खांदेश्‍वर पोलीस ठाण्याचे पोलीस उपनिरीक्षक परशंकर तसेच आयआरबी पथक घटनास्थळी पोहोचले व त्यांनी जखमींना एमजीएम रुग्णालय कामोठे येथे हलविले त्याचप्रमाणे महामार्गावरील वाहतूक सुरळीत केली. या घटनेनंतर ट्रक चालक पसार झाला असून त्याचा शोध खांदेश्‍वर पोलीस करीत आहेत.
