‘नवसाला पावणारा बाप्पा’ दर्शनासाठी सज्ज; लालबागच्या राजाचे विलोभनीय रूप पाहण्यासाठी भाविकांची गर्दी

Lalbhaug Cha Raja 2025 : ‘गणपती बाप्पा मोरया’च्या गजरात मुंबईत गणेशोत्सवाचा श्रीगणेशा!

मुंबई: गणपती बाप्पाच्या आगमनासाठी अवघे काही तास शिल्लक असतानाच, मुंबईतील गणेशोत्सवाचा उत्साह आता शिगेला पोहोचला आहे. देशभरातील भाविकांचे श्रद्धास्थान असलेल्या लालबागच्या राजाचा Lalbhaug Cha Raja प्रथम दर्शन सोहळा काल (24 ऑगस्ट) पार पडला आणि लाडक्या बाप्पाच्या विलोभनीय रूपाची पहिली झलक पाहण्यासाठी शेकडो भाविकांनी अलोट गर्दी केली होती. Mumbai Ganapati Ustav 2025

गेले वर्षभर ज्या क्षणाची आतुरतेने वाट पाहिली जात होती, तो क्षण अखेर आला. ‘नवसाला पावणारा बाप्पा’ अशी ओळख असलेला लालबागचा राजा आता आपल्या भक्तांना दर्शन देण्यासाठी पूर्णपणे सज्ज झाला आहे. प्रथम दर्शन सोहळ्यासाठीच भाविकांनी ‘गणपती बाप्पा मोरया’चा जयघोष करत मोठी गर्दी केली होती, ज्यामुळे गणेशोत्सवाचा श्रीगणेशा आजपासूनच झाला आहे असे म्हणता येईल.

लालबागच्या राजाची ख्याती केवळ मुंबईपुरती मर्यादित नसून, देशभरातील भाविक दरवर्षी या बाप्पाच्या दर्शनासाठी येतात. या वर्षीही गणेशोत्सव मोठ्या उत्साहात साजरा होणार असून, 27 ऑगस्टपासून बाप्पा घरोघरी आणि सार्वजनिक गणेशोत्सव मंडळांमध्ये विराजमान होतील.

दरम्यान, लालबागच्या राजाचे पहिले दर्शन झाल्याने आता गणेशोत्सवाच्या तयारीला आणखी वेग आला आहे. मुंबईतील प्रत्येकजण आपल्या लाडक्या बाप्पाच्या स्वागतासाठी उत्सुक असून, सर्वत्र आनंदाचे आणि उत्साहाचे वातावरण पाहायला मिळत आहे.