Navi Mumbai : निवडणूक चिन्हाच्या प्रेशर कुकरने भरलेली कार निवडणूक विभागाने जप्त केली..!!

नवी मुंबई जितिन शेट्टी : कोपरखैरणे सेक्टर १७ येथे गुरुवारी रात्री ९:३० वाजण्याच्या सुमारास प्रेशर कुकर वाटण्याच्या प्रयत्नात निवडणूक आयोगाने कारवाई केली. cooker found in private car कुकरवर ऐरोलीचे अपक्ष उमेदवार विजय चौगुले यांचा फोटो लागल्याने आश्चर्य व्यक्त केले जात आहे. दोन कार कुकरचे वाटप करत असल्याची माहिती निवडणूक अधिकाऱ्यांना मिळताच त्यांनी पोलिसांच्या मदतीने सापळा रचून गाड्या पकडल्या. दोन्ही कार आणि त्यात ठेवलेला प्रेशर कुकर जप्त करण्यात आला आहे. प्रेशर कुकरचे वाटप सुरू होते जे नियमबाह्य आहे. त्यावर अपक्ष उमेदवार विजय चौगुले असे चित्र असले तरी प्रत्यक्षात कुकरचे वाटप कोण करत आहे? याबाबत माहिती घेतल्यानंतर योग्य ती कारवाई केली जाईल, अशी माहिती देण्यात आली.