Navi Mumbai Airport : नाताळची मोठी भेट! नवी मुंबई ते नागपूर थेट विमानसेवा 25 डिसेंबरपासून सुरू; इंडिगो एअरलाईन्सचा मोठा निर्णय

Navi Mumbai Airport Latest News : इंडिगो एअरलाईन्सचे नाताळ गिफ्ट; नवी मुंबई विमानतळावरून नियमित विमानसेवेचा श्रीगणेशा

नवी मुंबई | नवी मुंबई आंतरराष्ट्रीय विमानतळाचे स्वप्न साकार झाल्यानंतर आता प्रवाशांसाठी प्रत्यक्ष सोयीसुविधांचा विस्तार होऊ लागला आहे. नागपूर आणि मुंबई दरम्यान प्रवास करणाऱ्यांसाठी एक आनंदाची बातमी समोर आली असून, येत्या 25 डिसेंबरपासून नवी मुंबई विमानतळावरून नागपूरसाठी थेट विमानसेवा सुरू होणार आहे. प्रसिद्ध विमान कंपनी इंडिगो एअरलाईन्सने नाताळच्या मुहूर्तावर या मार्गावर नियमित उड्डाणे सुरू करण्याची घोषणा केली आहे. Navi Mumbai Airport Latest News

मुंबईकरांचा प्रवासाचा वेळ वाचणार सध्या नागपूरहून येणाऱ्या बहुतांश विमानांना मुंबईतील छत्रपती शिवाजी महाराज आंतरराष्ट्रीय विमानतळावर लँडिंग करावे लागते, जिथे आधीच विमानांची मोठी गर्दी असते. आता नवी मुंबई विमानतळाचा पर्याय उपलब्ध झाल्याने ही वाहतूक कोंडी कमी होईल. विशेषतः नवी मुंबई, पनवेल, ठाणे, उपनगर आणि मध्य मुंबईतील प्रवाशांसाठी हे विमानतळ अतिशय जवळचे असल्याने त्यांच्या प्रवासाचा वेळ लक्षणीयरीत्या वाचणार आहे.

विदर्भाच्या विकासाला मिळणार ‘विमान’ गती नागपूर ते नवी मुंबई या थेट हवाई सेवेचा सर्वाधिक फायदा विदर्भातील उद्योजक, व्यापारी आणि विद्यार्थ्यांना होणार आहे. नागपूर हे विदर्भाचे प्रमुख व्यापारी केंद्र असल्याने मुंबईशी असलेली ही सुलभ जोडणी व्यापारवृद्धीसाठी मैलाचा दगड ठरेल. तसेच पर्यटनासाठी विदर्भात येणाऱ्या प्रवाशांनाही या नव्या विमानतळामुळे अधिक चांगला कनेक्टिव्हिटीचा पर्याय मिळणार आहे.

रोजगार आणि पर्यटनाला चालना नवी मुंबई विमानतळावरून सुरू होणाऱ्या या पहिल्या काही प्रमुख सेवांपैकी एक असल्याने, यामुळे दोन्ही शहरांमधील आर्थिक व्यवहार अधिक गतिमान होतील. या विमानसेवेमुळे वेळ वाचण्यासोबतच रस्त्यावरील रहदारीचा ताणही कमी होईल. विमान वाहतूक क्षेत्रात वाढलेल्या या स्पर्धेमुळे प्रवाशांना भविष्यात वाजवी दरात विमानप्रवास उपलब्ध होण्याची शक्यता देखील वर्तवण्यात येत आहे.