Panvel News : राष्ट्रवादी काँग्रेस शरदचंद्र पवार पक्षाच्या महाराष्ट्र प्रदेश संघटक सचिव पदी रमझान शेख
पनवेल जितिन शेट्टी : राष्ट्रवादी काँग्रेस शरदचंद्र पवार पक्षाचे प्रदेशाध्यक्ष मा.श्री. जयंतराव पाटील साहेब यांच्या मान्यतेने व पक्षाचे विधिमंडळ गटनेते मा. श्री. डॉ जितेंद्रजी आव्हाड साहेब यांच्या मार्गदर्शनाखाली नवी मुंबई विभागातील खारघर येथील रमझान शेख Ramzan Shaikh यांची आज राष्ट्रवादी काँग्रेस शरदचंद्र पवार पक्षाच्या मुख्यालय पाचपाखाडी ठाणे येथे राष्ट्रवादी काँग्रेस शरदचंद्र पवार पक्षाच्या महाराष्ट्र प्रदेश संघटक सचिव ही महत्वाची जबाबदारी देत नियुक्ती करण्यात आली.
आपल्या पक्षाचे आधारस्तंभ आ. शरदचंद्रजी पवार साहेब यांनी देशासाठी आणि महाराष्ट्रासाठी केलेल्या कार्यांमधून प्रेरणा घेऊन तसेच आ. जितेंद्र आव्हाड साहेब यांची राजकारणातील स्पष्ट भूमिका, जनसामान्यासाठी असलेली त्यांची आपुलकी यातून प्रेरणा घेऊन पक्षासोबत राहून जनसेवेसाठी जीवन अर्पित करण्याचे निर्धार करतो. तसेच पक्षसंघटना मजबूत करण्यासाठी डॉ जितेंद्रजी आव्हाड साहेब यांच्या मार्गदर्शनाखाली काम करणार असल्याची प्रतिक्रिया यावेळी रमझान शेख यांनी दिली.
याप्रसंगी ठाणे शहर जिल्ह्याचे अध्यक्ष मा. श्री सुहास भाई देसाई आणि खारघर विभागातील कार्यकर्ते अमीर शाह मिरु, जावेद सय्यद, वाजिद शेख , अश्रफ खान तसेच अनेक कार्यकर्ते उपस्थित होते .
