पुणे, दि. ११ मार्च, महाराष्ट्र मिरर : Pune News
होळी, धुलीवंदन व शिवजयंती नागरिकांना निर्विघ्नपणे साजरा करता यावी यासाठी कायदा व सुव्यवस्था अबाधित राखण्यासाठी नांदेडसिटी पोलिसांकडून आज रूट मार्च काढण्यात आला. या रूट मार्चमध्ये वरिष्ठ पोलीस निरीक्षक अतुल भोस यांच्या नेत्तृत्वाखाली 2 सपोनि, पोउपनिरीक्षक, 22 अंमलदार, 15 होमगार्ड व आरसीपी क्र. 03 सहभागी झाले होते.
आज दिनांक 11 रोजी सायंकाळी ५ वा ते ७ वा चे दरम्यान पोलीस उप आयुक्त परिमंडळ 03 व सहाय्यक पोलीस आयुक्त, सिंहगड रोड विभाग, पुणे शहर यांच्या मार्गदर्शनाखाली पोलीस स्टेशन हद्दीत आगामी येणाऱ्या होळी, धुलीवंदन, शिवजयंती या सण-उत्सव अनुषंगाने रुट मार्च घेण्यात आला.
रूटमार्च जेपी नगर येथून सुरू होऊन किरकटवाडी चौक – किरकटवाडी गावठाण- युटर्न मारुन परत किरकटवाडी चौक – कोल्हेवाडी चौक – खडकवासला कार्नर – लमाण वस्ती- खडकवासला गावठाण- खडकवासला चौपाटी भागात रुटमार्च घेण्यात आला.
