Nalasopra Drug Racket : पंजाबमधील ‘फरारी’ ड्रग्ज तस्कर नालासोपाऱ्यातून जेरबंद! नायजेरियन आरोपी तीन वर्षांनी पोलिसांच्या हाती!
•Nalasopara Police Busted Punjab Drug Racket : अंमली पदार्थ विरोधी कक्षाची आंतरराज्यीय कामगिरी: ‘Uchenna’चा अवैध धंदा अखेर थांबला!
मुंबई :- पंजाब राज्यात अंमली पदार्थ विक्रीच्या गुन्ह्यात गेल्या तीन वर्षांपासून फरार असलेला एक सराईत नायजेरियन नागरिक अखेर मुंबईच्या अंमली पदार्थ विरोधी कक्षाच्या (ANC-2) जाळ्यात सापडला आहे. UBANATU LIVINUS UCHENNA (वय 36) नावाचा हा आरोपी नाव बदलून आणि ओळख लपवून नायगाव पोलीस ठाण्याच्या Naygaon Police हद्दीतील प्रगती नगर, नालासोपारा पूर्व परिसरात राहत होता. अंमली पदार्थ विरोधी कक्ष-2 चे पथक या परिसरात गस्त घालत असताना, त्यांना हा नागरिक संशयास्पद स्थितीत आढळला. या पथकाने त्याची कसून चौकशी केली असता, त्याच्या गुन्हेगारी कारवायांचा पर्दाफाश झाला. Nalasopra Latest Crime News
‘डबल’ गुन्ह्यांची नोंद: ड्रग्ज विक्री आणि अवैध वास्तव्य
या नायजेरियन नागरिकाविरुद्ध दोन गंभीर गुन्हे दाखल असल्याचे तपासात निष्पन्न झाले. पहिला गुन्हा पंजाब राज्यातील गोविंदगड पोलीस ठाण्यात (जिल्हा मंडी) NDPS कायद्याच्या कलम 21 (ब) आणि 29 अन्वये अंमली पदार्थ विक्रीचा होता. या गुन्ह्यात तो 2017 पासून फरार होता. दुसरा गंभीर गुन्हा म्हणजे, UBANATU LIVINUS UCHENNA हा सन 2014 पासून भारतात अवैधरित्या वास्तव्यास होता. त्याच्याकडे भारतात राहण्यासाठी आवश्यक असलेले कोणतेही वैध कागदपत्रे नव्हती. त्यामुळे त्याच्याविरुद्ध इमिग्रेशन अँड फॉरेनर्स ॲक्ट 2021 च्या संबंधित कलमांखाली तुळींज पोलीस ठाण्यात स्वतंत्र गुन्हा दाखल करण्यात आला आहे. Nalasopra Drug Racket
वरिष्ठांच्या मार्गदर्शनाखाली कारवाई फत्ते: अंमली पदार्थ कक्षाचे यश
तीन वर्षांपासून फरार असलेल्या आंतरराज्यीय ड्रग्ज तस्कराला पकडण्याची ही महत्त्वपूर्ण कारवाई बृहन्मुंबईतील वरिष्ठ पोलीस अधिकाऱ्यांच्या सक्षम नेतृत्वाखाली पार पडली. पोलीस आयुक्त निकेत कौशिक, अपर पोलीस आयुक्त दत्ताञय शिंदे आणि पोलीस उप आयुक्त (गुन्हे) संदिप डोईफोडे यांच्या मार्गदर्शनाखाली अंमली पदार्थ विरोधी कक्ष-2 चे प्रभारी पोलीस निरीक्षक ऋषिकेश पवळ आणि त्यांच्या टीमने ही कामगिरी उत्कृष्टरित्या पार पाडली. नायजेरियन आरोपीला अटक केल्यामुळे अंमली पदार्थ विरोधी कक्षाने केवळ मुंबईतीलच नाही, तर पंजाबमधील एका मोठ्या गुन्ह्याचा तपास पूर्णत्वास नेण्यास मदत केली आहे.
