Mumbai Temple Dress Code : सिद्धिविनायकानंतर मुंबईच्या या मंदिरातही ड्रेसकोड लागू करण्याची तयारी

Mumbai Temple Dress Code : सिद्धिविनायक मंदिरानंतर आता मुंबईतील प्रसिद्ध मुंबादेवी मंदिरातही ड्रेसकोड लागू करण्याबाबत चर्चेला उधाण आले आहे. भाविकांनी सभ्य कपडे परिधान करून मंदिरात यावे, असे आवाहन मुंबादेवी मंदिर प्रशासनाने केले आहे.

मुंबई :- सिद्धिविनायक मंदिरानंतर आता मुंबईतील प्रसिद्ध मुंबादेवी मंदिरातही ड्रेस कोड Mumbai Mumba Devi Temple Dress Code लागू करण्याबाबत समिती चर्चा करत आहे. मुंबादेवी मंदिर प्रशासन ड्रेसकोडबाबत निर्णय घेणार आहे. भाविकांनी सभ्य कपड्यांमध्येच मंदिरात यावे, असे आवाहन करण्यात आले आहे.अशा परिस्थितीत मुंबादेवी मंदिरात भाविकांची मोठी गर्दी पाहायला मिळत आहे. त्याचबरोबर श्री सिद्धिविनायक मंदिरात ड्रेस कोड लागू करण्याच्या निर्णयाचे मुंबादेवी मंदिर प्रशासनाने स्वागत केले आहे.

नवरात्रीच्या काळात मुंबईच्या कुलदेवी मुंबादेवी मंदिरात भाविकांची गर्दी असते. मुंबईतील प्रसिद्ध सिद्धिविनायक मंदिरात ड्रेसकोड लागू झाल्यानंतर आता मुंबा देवी मंदिरानेही त्या दिशेने पावले टाकण्याचा विचार केला आहे.हे मंदिर केवळ स्थानिक भाविकांमध्येच नाही तर परदेशी पर्यटकांमध्येही खूप लोकप्रिय आहे, परंतु सध्या येथे कोणताही औपचारिक ड्रेस कोड लागू नाही. मंदिर समितीचे व्यवस्थापक हेमंत जाधव यांनी सांगितले की, सिद्धिविनायक मंदिरात ड्रेस कोड लागू केल्यानंतर आता मुंबा देवी मंदिर ट्रस्ट सुद्धा बैठक आयोजित करणार आहे.