रात्रीच्या मुसळधार पावसामुळे मुंबईतील अनेक भागांमध्ये पाणी साचले; रेल्वेवर परिणाम लोकल ट्रेन उशिराने सुरू
मुंबई :- रविवारी रात्रीपासून सुरू झालेल्या जोरदार पावसामुळे मुंबईत पाणी साचले असून अनेक भागांमध्ये जनजीवन विस्कळीत झाले आहे. खासकरून नरीमन पॉइंट, बांद्रा, दादर, सायन आणि किंग्ज सर्कल येथे रस्ते जलमय झाले आहेत. त्यामुळे वाहतूक धसधसली असून लोकल ट्रेन सेवा देखील 10-25 मिनिटांनी उशिराने सुरू होत आहे.
भारतीय हवामान विभागाने मुंबईसह ठाणे, पालघर जिल्ह्यांसाठी ‘येलो अलर्ट’ जारी केला आहे. पुढील काही तासांत अजून मुसळधार पावसाचा इशारा देण्यात आला आहे. महापालिकेने नागरिकांना घराबाहेर न पडण्याचे आवाहन केले आहे.
मुंबईतील नरीमन पॉइंट परिसरात सकाळी 6 ते 7 दरम्यान 40 मिमी, ग्रँट रोडवर 36 मिमी, कोलाबा येथे 31 मिमी आणि बायकुला येथे 21 मिमी पाऊस नोंदवला गेला आहे. पूर्व उपनगरांमध्ये हलका पाऊस सुरू आहे.
मुंबईतील छत्रपती शिवाजी महाराज आंतरराष्ट्रीय विमानतळावरही पावसामुळे उड्डाणे उशिराने होत आहेत. त्यामुळे प्रवाशांनी विमानतळाशी संपर्क ठेवणे गरजेचे आहे.
या मुसळधार पावसामुळे काही ठिकाणी वीजही गेली असून, काही ठिकाणी विजांच्या कडकडाटासह वारेही वाहत आहेत. महापालिका आणि आपत्ती व्यवस्थापन यंत्रणा सतत काम करत आहेत, तरीही अनावश्यक हालचाली टाळा.
पुढील काही तासांत हवामान अधिक बिघडण्याची शक्यता असल्याने आपले संरक्षण स्वतः करणे अत्यंत आवश्यक आहे.
