Mumbai Raid News : मुंबईसह आंतरराष्ट्रीय स्तरावर ‘रामी हॉटेल ग्रुप’वर आयकर विभागाचे छापे! – करचोरी प्रकरणात राज शेट्टींच्या 30 हून अधिक ठिकाणांवर सर्च ऑपरेशन

Rami Hotel Raid News : दादरसह बहरीन, दुबई, ओमानमध्येही ग्रुपचे हॉटेल्स; पहाटेपासूनच तपास सुरू

मुंबई :- मुंबईतील प्रसिद्ध रामी हॉटेल Rami Hotel ग्रुप आणि त्याचे अध्यक्ष राज शेट्टी Raj Sheety यांच्याशी संबंधित देशभरातील 30 हून अधिक ठिकाणी आयकर विभागाने (Income Tax Department) आज पहाटेपासून मोठे सर्च ऑपरेशन सुरू केले आहे. करचोरीच्या संशयावरून ही छापेमारी सुरू असून, दादरमधील रामी हॉटेलबाहेरही मोठा पोलीस बंदोबस्त तैनात करण्यात आला आहे.

कारवाईचे मुख्य कारण

रामी हॉटेल ग्रुप आणि त्याच्या महत्त्वाच्या पदाधिकाऱ्यांकडून मोठ्या प्रमाणावर करचोरी झाल्याच्या संशयावरून आयकर विभागाने ही कारवाई सुरू केली आहे. या छापेमारीतून अनेक महत्त्वपूर्ण आर्थिक व्यवहार आणि कागदपत्रे समोर येण्याची शक्यता आहे.

रामी हॉटेल ग्रुपची व्याप्ती

आंतरराष्ट्रीय समूह: राज शेट्टी यांनी 1985 मध्ये रामी हॉटेल ग्रुपची स्थापना केली. सध्या ते या ग्रुपचे अध्यक्ष आणि व्यवस्थापकीय कामगार आहेत.

आंतरराष्ट्रीय उपस्थिती: या ग्रुपचे हॉटेल्स, रिसॉर्ट्स आणि अपार्टमेंट्स केवळ भारतातच नव्हे, तर बहरीन, दुबई आणि ओमान यांसारख्या आखाती देशांमध्येही आहेत.

मोठा व्यवसाय: रामी ग्रुपचे भारत आणि आखाती देशात एकूण 52 हॉटेल्स कार्यरत आहेत. राज शेट्टी यांनी ‘फोर्ब्ज मिडल ईस्ट मॅगझिन’च्या ‘युएईमधील टॉप 100 भारतीय लीडर्स’च्या यादीतही स्थान मिळवले आहे.

राज शेट्टी आणि ग्रुपशी संबंधित इतर महत्त्वाच्या पदाधिकाऱ्यांच्या कार्यालयांवर आणि निवासस्थानांवर आयकर विभागाने छापे टाकले असून, या सर्च ऑपरेशनमधून काय निष्पन्न होते, याकडे उद्योजक आणि राजकीय वर्तुळाचे लक्ष लागले आहे.