Mumbai Police News : अनंत अंबानींच्या लग्नात बॉम्बच्या धमकीवर मुंबई पोलिसांची कारवाई, गुजरातच्या इंजिनिअरला अटक
Mumbai Police Arrested Bomb Threating Person From Gujrat : अनंत अंबानी आणि राधिका मर्चंट यांचा विवाह 12 जुलै रोजी झाला होता. सोशल मीडियाच्या माध्यमातून या लग्नात बॉम्बची धमकी देणाऱ्याला मुंबई पोलिसांनी अटक केली आहे.
PTI :- अनंत अंबानी यांच्या लग्नात बॉम्बची Bomb Threat धमकी देणारी सोशल मीडिया पोस्ट केल्याप्रकरणी मुंबई पोलिसांनी गुजरातमधील एका 32 वर्षीय अभियंत्याला अटक केली आहे. वृत्तसंस्था पीटीआयने दिलेल्या माहितीनुसार अधिकाऱ्याने ही माहिती दिली आहे.
आशियातील सर्वात श्रीमंत व्यक्ती मुकेश अंबानी यांचा मुलगा अनंत अंबानी याचा विवाह उद्योगपती वीरेन आणि शैला मर्चंट यांची मुलगी राधिका मर्चंटसोबत 12 जुलै रोजी झाला. या सोहळ्यात देशातील आणि जगातील अनेक दिग्गजांनी सहभाग घेतला होता. वांद्रे कुर्ला कॉम्प्लेक्स (बीकेसी) येथील जिओ वर्ल्ड कन्व्हेन्शन सेंटरमध्ये हा विवाहसोहळा आयोजित करण्यात आला होता.
पोलिसांनी सांगितले की, बॉम्बची धमकी देणाऱ्या आरोपीचे नाव विरल शाह असून तो वडोदरा येथील रहिवासी आहे. मुंबई पोलिसांच्या गुन्हे शाखेने आज सकाळी गुजरातमधील त्यांच्या राहत्या घरातून अटक केल्याचे त्यांनी सांगितले.
एक्स युजरने @ffsfir च्या धमकीनंतर मुंबई पोलीस हाय अलर्टवर होते. अंबानींच्या लग्नात बॉम्ब फुटल्यानंतर उद्या अर्धे जग उलटेल असा विचार माझ्या मनात आहे, असे पोस्टमध्ये लिहिले आहे. पोस्टानंतर पोलिसांनी विवाह सोहळ्याची सुरक्षा वाढवून तपास सुरू केला होता. जिओ वर्ल्ड कन्व्हेन्शन सेंटर येथे झालेल्या या मेगा इव्हेंटमध्ये जगभरातील सेलिब्रिटी, राजकारणी, हिंदी आणि दक्षिण भारतीय चित्रपटसृष्टीतील व्यक्तिमत्त्वे आणि देशातील जवळपास सर्वच क्रिकेटपटू सहभागी झाले होते.
