Mumbai Lok Sabha Election : मुख्यमंत्री एकनाथ शिंदे यांच्या पक्ष शिवसेनेने उत्तर पश्चिम मुंबईतून उमेदवार जाहीर करून या नेत्याला तिकीट दिले

Mumbai North West Lok Sabha Election : लोकसभा निवडणुकीच्या पार्श्वभूमीवर मुख्यमंत्री एकनाथ शिंदे यांच्या शिवसेनेने उत्तर पश्चिम मुंबईतून आपला उमेदवार जाहीर केला आहे.

मुंबई :- मुख्यमंत्री एकनाथ शिंदे यांचा पक्ष शिवसेनेने उत्तर पश्चिम मुंबईतून रवींद्र वायकर Ravindra Waikar यांना उमेदवारी दिली आहे. या जागेवर त्यांचा सामना उद्धव ठाकरे Uddhav Thackeray यांच्या शिवसेनेचे (ठाकरे गटाचे) उमेदवार अमोल कीर्तिकर Amol Kirtikar यांच्याशी होणार आहे.

शिवसेनेची ही घोषणा काँग्रेसचे माजी नेते संजय निरुपम यांच्यासाठी धक्का मानली जात आहे. वास्तविक निरुपम या जागेवरून आपला दावा सांगत होते. ही जागा महाविकास आघाडी मध्ये शिवसेनेला (ठाकरे गटालख) दिल्याने निरुपम संतापले होते.नाराजीमुळे त्यांनी काँग्रेस आणि उद्धव ठाकरेंच्या शिवसेनेविरोधात जोरदार वक्तव्ये केली. नंतर पक्षाने त्यांना बाहेरचा रस्ता दाखवला. मात्र, आपणच काँग्रेस सोडण्याची घोषणा केल्याचा दावा निरुपम यांनी केला. Mumbai Lok Sabha Election News Live

कोण आहेत रवींद्र वायकर?

रवींद्र वायकर यांनी बीएमसीमध्ये 20 वर्षे नगरसेवक म्हणून काम केले ते 1992 मध्ये मुंबईतील जोगेश्वरी भागातून नगरसेवक म्हणून निवडून आले होते. 2006 ते 2010 या काळात वायकर यांनी मुंबई महापालिकेच्या स्थायी समितीचे अध्यक्षपदही भूषवले होते. त्यानंतर 2009, 2014 आणि 2019 मध्ये जोगेश्वरी पूर्व मतदारसंघातून आमदार म्हणून निवडून आले. 2014 मध्ये सत्तेवर आलेल्या भाजप-शिवसेना सरकारमध्ये गृहनिर्माण आणि उच्च व तंत्रशिक्षण राज्यमंत्री झाले.त्यानंतर वायकर 2019 च्या महाविकास आघाडी सरकारमध्ये गृहनिर्माण खात्याचे राज्यमंत्री होते. शिवसेनेचे दोन तुकडे झाल्यानंतर ते उद्धव ठाकरे यांच्यासोबत होते, मात्र, काही महिन्यांपूर्वी त्यांनी एकनाथ शिंदे गटाच्या शिवसेनेत प्रवेश केला. Mumbai Lok Sabha Election News Live

2014 आणि 2019 च्या लोकसभा निवडणुकीत उद्धव ठाकरे यांच्या नेतृत्वाखालील शिवसेनेचे उमेदवार गजानन चंद्रकांत कीर्तिकर विजयी झाले. 2014 च्या निवडणुकीत त्यांनी काँग्रेसचे उमेदवार गुरुदास कामत यांचा पराभव केला होता. 2019 च्या निवडणुकीत त्यांनी काँग्रेसचे तत्कालीन उमेदवार संजय निरुपम यांचा पराभव केला. शिवसेनेत फूट पडल्यानंतर गजानन कीर्तीकर हे एकनाथ शिंदे यांच्यासोबत गेले. Mumbai Lok Sabha Election News Live