Mumbai MegaBlock News : रविवारच्या प्रवासाला मोठा ब्रेक! मध्य आणि हार्बर मार्गावर मेगाब्लॉक, लोकल 10-15 मिनिटे उशिरा धावणार; मेल-एक्सप्रेसवरही परिणाम

Mumbai Local Train Latest News : माटुंगा-मुलुंड धिम्या मार्गावरील लोकल 4 तास जलद ट्रॅकवरून; प्रवाशांना गर्दी आणि विलंबाचा सामना करण्याची शक्यता ; शनिवार-रविवारच्या मध्यरात्री भायखळा स्टेशनवर विशेष ट्रॅफिक ब्लॉक

मुंबई :- उद्या, रविवार 5 ऑक्टोबर रोजी मध्य रेल्वे मार्गावरून प्रवास करणाऱ्या मुंबईकरांनी वेळीच नियोजन करणे आवश्यक आहे. रेल्वे रुळांच्या आणि ओव्हरहेड वायरच्या दुरुस्तीसाठी मध्य आणि हार्बर मार्गांवर रेल्वे प्रशासनाने मेगाब्लॉक घोषित केला आहे. या ब्लॉकमध्ये लोकल सेवा 10 ते 15 मिनिटे विलंबाने धावणार असून, काही मार्गांवर वाहतूक पूर्णपणे बंद राहणार आहे.

मध्य रेल्वेवर रविवारचा मेगाब्लॉक (Matunga-Mulund)

कुठे: माटुंगा ते मुलुंड स्थानकांदरम्यान अप आणि डाउन धिम्या मार्गावर.

वेळ: सकाळी 11.05 ते दुपारी 3.55 वाजेपर्यंत.

परिणाम: या वेळेत धिम्या मार्गावरील लोकल जलद मार्गावरून चालविण्यात येणार आहेत. यामुळे लोकलच्या वेळापत्रकावर परिणाम होणार असून, प्रवाशांना गर्दीचा आणि 10 ते 15 मिनिटांच्या विलंबाचा सामना करावा लागू शकतो.

हार्बर मार्गावर लोकल सेवा खंडित

कुठे: वाशी ते पनवेल स्थानकांदरम्यान अप आणि डाउन मार्गावर दुरुस्तीचे काम.

वेळ: सकाळी 11.05 ते दुपारी 4.05 वाजेपर्यंत.

परिणाम: या 5 तासांच्या कालावधीत वाशी ते पनवेल दरम्यानची लोकल वाहतूक पूर्णपणे बंद राहणार आहे.

पर्यायी व्यवस्था: ब्लॉक काळात सीएसएमटी ते वाशी मार्गावर स्पेशल लोकल चालविण्यात येणार आहेत. तसेच, ट्रान्स हार्बर मार्गावर ठाणे ते वाशी/नेरुळ दरम्यान लोकल सेवा नेहमीप्रमाणे सुरू राहील.

शनिवार रात्री विशेष ब्लॉक (पहाटेचा)

रेल्वेने तांत्रिक कामासाठी शनिवार (4ऑक्टोबर) आणि रविवारच्या (5 ऑक्टोबर) मध्यरात्री विशेष ट्रॅफिक ब्लॉकची घोषणा केली आहे.

कुठे: परळ ते भायखळा दरम्यान अप जलद मार्गावर.

वेळ: शनिवार रात्री 12.30 ते पहाटे 4.30 वाजेपर्यंत.

परिणाम: या ब्लॉकमुळे लांब पल्ल्याच्या गाड्यांवर परिणाम होणार आहे. भुवनेश्वर – सीएसएमटी कोणार्क एक्सप्रेस आणि हावडा-सीएसएमटी एक्सप्रेस या गाड्या दादर स्थानकापर्यंतच चालविण्यात येणार आहेत. लोकलच्या वेळापत्रकावरही याचा परिणाम होण्याची शक्यता आहे.

प्रवाशांनी नियोजित वेळेत होणारा विलंब लक्षात घेऊनच प्रवास करावा, असे आवाहन रेल्वे प्रशासनाने केले आहे.