Mumbai Local Accident : मध्य रेल्वे कर्मचाऱ्यांच्या आंदोलनानंतर प्रवाशांना लोकलची धडक; दोन ठार, तीन जखमी

•सॅंडहर्स्ट रोड स्टेशनजवळची घटना; रेल्वे सुरू होणार की नाही, या संभ्रमातून प्रवासी रुळावरून चालत होते

मुंबई :- मध्य रेल्वेच्या कर्मचाऱ्यांनी केलेल्या आंदोलनानंतर रेल्वे सेवा पूर्ववत होणार की नाही, याबद्दल कोणतीही निश्चित माहिती प्रवाशांना मिळाली नाही. याच संभ्रमातून रेल्वे रुळावरून चालत जात असलेल्या काही प्रवाशांना लोकलने जोरदार धडक दिल्याची दुर्दैवी घटना गुरुवारी सायंकाळी सॅंडहर्स्ट रोड स्टेशनजवळ घडली. या अपघातात एका तरुणीसह दोन प्रवाशांचा जागीच मृत्यू झाला, तर दोन महिलांसह तीन प्रवासी जखमी झाले आहेत.

अपघाताचा तपशील

वेळ: गुरुवारी सायंकाळी 6.50 च्या सुमारास.

ठिकाण: सॅंडहर्स्ट रोड स्टेशनजवळ मध्य रेल्वेच्या रुळांवर.

मृत आणि जखमी

अपघातानंतर जखमी झालेल्या प्रवाशांना तातडीने जे.जे. रुग्णालयात नेण्यात आले. मात्र यापैकी दोघांचा रुग्णालयात नेण्यापूर्वीच मृत्यू झाला होता.

मृतांची नावे

हैली मोहमाया (19, तरुणी).

एक 45 वर्षीय पुरुष (अद्याप ओळख पटलेली नाही).

जखमींची नावे

खुशबू मोहमाया (45 वय) – यांच्यावर रुग्णालयात उपचार सुरू आहेत. त्यांची प्रकृती स्थिर असून, त्यांच्या डोक्याला गंभीर दुखापत झाली आहे.

कैफ चोगले (22 वय) आणि हाफिजा चोगले (62 वय) – या दोघांनी रुग्णालयात उपचार घेण्यास नकार दिला.

रेल्वे सेवा विस्कळीत झाल्यानंतर मोठ्या संख्यने प्रवासी रुळावरून चालत जाण्याचा प्रयत्न करत असताना हा अपघात झाल्याने, रेल्वे प्रशासनाच्या माहिती प्रसारण व्यवस्थेवर प्रश्नचिन्ह उपस्थित झाले आहे.