Mumbai Hit & Run Case : अपघात वरळीत 85 वर्षीय व्यवसायिकाचा अपघाती मृत्यू, पोलिसाच्या मुलाने हिट अँड रन

•मुंबईतील वरळी येथे बलराज मेहरा या 85 वर्षीय व्यक्तीला दुचाकीस्वाराने धडक दिली घटनास्थळावरून पळून गेले. रुग्णालयात उपचारादरम्यान वृद्धाचा मृत्यू झाला.

मुंबई :- मुंबईत पुन्हा एकदा हिट अँड रन ची घटना समोर आली आहे.वरळी परिसरात 85 वर्षीय बलराज परमानंद मेहरा रस्त्याने पायी चालत असताना दुचाकीस्वाराने धडक दिल्याने गंभीर जखमी झाली होती. जखमी अवस्थेत वृध्दाला उपचारासाठी नजीकच्या रुग्णालयात दाखल करण्यात आल्याची घटना समोर आली आहे.जिथे उपचारादरम्यान वृद्धाचा मृत्यू झाला. याप्रकरणी मुंबईतील दादर पोलीस ठाण्यात अज्ञात व्यक्तीविरोधात गुन्हा दाखल करून त्याचा शोध सुरू केला आहे.

दादर पोलिसांकडून मिळालेल्या माहितीनुसार, बलराज मेहरा (व्यावसायिक) हे त्यांच्या एका खाजगी मालमत्तेला भेट देऊन पायी घरी परतत असताना मागून भरधाव वेगाने येणाऱ्या दुचाकीने त्यांना धडक दिली आणि ते घटनास्थळावरून पळून गेले, त्यानंतर त्यांना जवळच्या रुग्णालयात दाखल करण्यात आले मात्र उपचारादरम्यान त्यांचा मृत्यू झाला.

दादर पोलीस स्टेशनने अज्ञात व्यक्तीविरुद्ध BNS कलम 106,281, मोटार वाहन कायदा 134(A), 134(B) अन्वये गुन्हा दाखल करून पुढील शोध सुरू केला आहे.

पोलिसांनी घटनास्थळी लावलेले सीसीटीव्ही स्कॅन करून दुचाकी चालकाचा शोध घेतला. यश नंदकुमार गावकर (वय 22) असे दुचाकी चालकाचे नाव असून तो वरळी पोलिस कॉलनी, मुंबई येथे राहतो. यश गावकर हा मुंबई पोलिसात तैनात असलेल्या हवालदाराचा मुलगा आहे.चालकाची ओळख पटल्यानंतर दादर पोलिसांनी त्याला चौकशीसाठी ताब्यात घेतले, मात्र प्राथमिक चौकशीनंतर त्याला तात्काळ अटक करण्याऐवजी चौकशीत सहकार्य करण्याचे निर्देश देत नोटीस बजावली.

हे प्रकरण आर्थिक गुन्हे शाखेकडे (EOW) सोपवण्यात आले आहे, जे आता त्याच्या स्थितीचा आढावा घेत आहे. गावकर यांच्यावर भारतीय न्याय संहिता 2023 च्या कलम 106आणि 281 अंतर्गत गुन्हा दाखल करण्यात आला आहे.