Mumbai Fire : मुंबईत भीषण आग : 14 मजली इमारतीच्या 10व्या मजल्यावर आग, दोन कुटुंबांसह 3 जणांचा होरपळून मृत्यू

•मुंबईतील लोखंडवाला येथील रिया पॅलेस इमारतीला लागलेल्या आगीत एका जोडप्याचा आणि त्यांच्या नोकराचा मृत्यू झाला.

मुंबई :- अंधेरी लोखंडवाला येथील एका 14 मजली निवासी इमारतीला आग लागल्याची घटना समोर आली आहे. या अपघातात तिघांचा दुर्दैवी मृत्यू झाला. बुधवारी सकाळी 8.00 वाजण्याच्या सुमारास ही घटना घडल्याची माहिती आहे. मृतांमध्ये एकाच कुटुंबातील दोन सदस्य आणि त्यांच्या नोकराचा समावेश आहे. चंद्रप्रकाश सोनी (74 वय), कांता सोनी (74 वय) आणि 42 वर्षीय नोकर अशी मृतांची नावे आहेत. मृत दाम्पत्याचा मुलगा परदेशात नोकरी करतो. सध्या अग्निशमन दलाच्या पथकाने आग आटोक्यात आणली आहे. आगीमागचे कारण तपासले जात आहे.

काही दिवसांपूर्वी मुंबईतीलच चेंबूर परिसरातील सिद्धार्थ कॉलनीतील एका 3 मजली इमारतीला आग लागली होती. त्यामुळे एकाच कुटुंबातील 3 मुलांसह 7 जणांचा होरपळून मृत्यू झाला. ही घटना रविवारी पहाटे 5.20 वाजता घडली. तळमजल्यावर बांधलेल्या दुकानाला आग लागल्याचे प्रत्यक्षदर्शीनी सांगितले.