Mumbai Crime News : मुंबईत ड्रग्सचे ‘गुप्त कारखाना’ उघड! बकरीपालनाच्या छताखाली 600 कोटींच्या MD ड्रग्सची निर्मिती

RCF पोलिसांच्या जबरदस्त छापेमारीत मुंबई-नवी मुंबईतील 5 ड्रग पेडलर्सवर अटक; ड्रग्सचा मनी ट्रेल उलगडण्याचा मोठा धडका

मुंबई :- मुंबईत RCF पोलिसांनी एका अत्यंत कुशल ड्रग्स गिरोहाचा मोठा पर्दाफाश केला आहे, ज्यांनी फार्महाऊस बकरीपालनाच्या छताखाली एक ड्रग्स उत्पादन कारखाना उभारला होता. आरोपींनी फार्महाऊस दोन खोल्या भाड्याने घेतल्या होत्या आणि त्यामध्ये मोठ्या प्रमाणावर MD ड्रग्सची निर्मिती चालवत होते.

मार्च महिन्यात पोलिसांनी 45 ग्रॅम MD ड्रग्ससह एक आरोपी पकडल्यावर तपासाला वेग आला. पुढील तपासात मुंबई आणि नवी मुंबईतील चार ड्रग पेडलर्सला अटक झाली आणि त्यांच्याकडून तब्बल 6.689 किलो MD ड्रग्स जप्त झाली, ज्याची जागतिक बाजारातील किंमत 13 कोटींपेक्षा अधिक आहे.

कर्जतच्या फार्महाऊसमध्ये धक्कादायक छापा; 13 कोटींचे MD ड्रग्स व 1 कोटींच्या कच्च्या मटेरियलसह पोलिसांनी केला मोठा जप्तीचा कारभार

सखोल चौकशीदरम्यान, रायगड जिल्ह्यातील कर्जत येथील सावली फार्महाऊसमध्ये छापा टाकण्यात आला, जिथे आरोपी MD ड्रग्सची फैक्ट्री चालवत होते. पोलिसांनी 5.525 किलो MD ड्रग्स आणि ड्रग्स बनवण्यासाठी आवश्यक लाखोंच्या कच्च्या मटेरियलचा साठा जप्त केला. अंदाजे या मटेरियलवरून 150 किलो ड्रग्स बनवता येऊ शकतात, ज्याची बाजारातील किंमत 300 कोटींपेक्षा जास्त आहे.

अत्यंत हुशारीने आरोपींनी बकरीपालनाचा छंद दाखवून परिसरातील लोकांचा संशय दूर ठेवला होता. बकऱ्यांच्या शौचाच्या दुर्गंधीने ड्रग्स उत्पादनाच्या रसायनांच्या वासाला झाकले होते.

पोलिस तपासात समोर आले की, आरोपी मागील तीन महिन्यांपासून दर आठवड्याला 25 किलो MD ड्रग्स तयार करत होते. म्हणजे, तब्बल 300 किलो ड्रग्सची निर्मिती झाली असण्याची शक्यता असून त्याची बाजारातील किंमत सुमारे 600 कोटींपेक्षा अधिक आहे.

आता RCF पोलिस या ड्रग्सचा व्यापारी जाळा, गुंतलेले लोक व मनी ट्रेल याचा तपास करीत आहेत. मुंबईच्या ड्रग्स प्रतिबंधक यंत्रणेला हा मोठा यशस्वी धक्का मानला जात आहे.