Mumbai Coldplay Concert : कोल्डप्लेच्या कॉन्सर्टमध्ये 45 हजारांहून अधिक लोक पोहोचले, नवी मुंबईची वाहतूक झाली नियंत्रणाबाहेर, पोलिसांनी केले हे आवाहन

•पोलिस उपायुक्त (वाहतूक) तिरुपती काकडे यांनी सांगितले की, कोल्डप्ले पाहण्यासाठी सुमारे 45,000 लोक आले होते. त्यामुळे वाहतूक मंदावली. आम्ही पुरेसा फौजफाटा तैनात केला आहे.

नवी मुंबई :- प्रदीर्घ प्रतिक्षेनंतर डीवाय पाटील स्टेडियमवर कोल्डप्लेची कॉन्सर्ट सुरू झाली आहे. पहिल्या दिवशी चाहत्यांमध्ये प्रचंड उत्साह होता. शनिवारी (18 जानेवारी) रात्री 8 वाजता सुरू झालेली ही कॉन्सर्ट रात्री 10 वाजेपर्यंत चालली. संपूर्ण स्टेडियममध्ये प्रचंड गर्दी दिसून आली, रिपोर्ट्सनुसार, 45 हजारांहून अधिक लोक या कार्यक्रमाचा भाग बनले.

अशा स्थितीत प्रचंड गर्दीमुळे शहरातील वाहतूक व्यवस्थापनाचा मोठा प्रश्न निर्माण झाला आहे. 19 आणि 21 जानेवारीचे कार्यक्रम सुरळीतपणे चालावेत आणि उपस्थितांना सुरक्षित आणि आनंददायी अनुभव मिळावा यासाठी अधिकारी अतिरिक्त पावले उचलत आहेत.कोल्डप्ले कॉन्सर्टमुळे शनिवारी नवी मुंबईत प्रचंड वाहतूक कोंडी झाली होती.

माध्यमांशी बोलताना पोलीस उपायुक्त (वाहतूक) तिरुपती काकडे म्हणाले, “मी आवाहन करू इच्छितो की कॉन्सर्टला येणाऱ्या लोकांनी शक्य तितक्या सार्वजनिक वाहतुकीचा वापर करावा.खाजगी वाहनाने येणाऱ्यांनी पार्किंगच्या जागेतच वाहन पार्क करावे. कोल्डप्ले पाहण्यासाठी सुमारे 45,000 लोक आले होते. त्यामुळे वाहतूक मंदावली होती. आम्ही पुरेसा फौजफाटा तैनात केला आहे.”