Mumbai Bribe News : मुंबई अॅन्टी करप्शनचा भूकंप – वडाळा टी.टी. पोलीस ठाण्याचे वरिष्ठ पोलीस निरीक्षक आणि उपनिरीक्षक ₹२ लाख व ₹३० हजार लाच घेताना रंगेहात पकडले!

Mumbai Anti Corruption Bureau News : मुंबईत अॅन्टी करप्शन ब्युरोने 26 सप्टेंबर 2025 रोजी केलेल्या स्फोटक कारवाईत वरिष्ठ पोलीस निरीक्षक चंद्रकांत सुधाकर सरोदे (वय 52) आणि पोलीस उपनिरीक्षक राहुल रमेश वाघमोडे (वय 37) यांना रंगेहात जेरबंद केले.

तक्रार आणि मागणी
Mumbai : तक्रारदार (पुरुष, वय 59) यांच्या समाजातील हॉलसंदर्भातील वादातून त्यांच्यावर गुन्हा दाखल झाला होता.
या गुन्ह्यात तक्रारदाराच्या मुलीस आरोपी न करण्यासाठी आणि विरोधी गटावर कारवाई करण्यासाठी या दोघांनी घाणेरडी सौदेबाजी केली.

सरोदे यांनी स्वतःसाठी ₹५,००,००० ची मागणी केली, तडजोडीनंतर ₹४,००,००० वर सौदा ठरला.

वाघमोडे यांनी स्वतःसाठी ₹५०,००० ची मागणी केली, त्यापैकी आधीच ₹२०,००० घेतले.

रंगेहात पकड
सापळा रचून 26/09/2025 रोजी:

सरोदे यांनी पहिला हप्ता ₹२,००,००० स्वीकारताच पथकाने छापा टाकला.

वाघमोडे यांनी ₹३०,००० स्वीकारताच पंचासमक्ष दोघांना जेरबंद करण्यात आले.

गुन्हा दाखल
दोन्ही आरोपींवर भ्रष्टाचार प्रतिबंधक अधिनियम कलम 7 अंतर्गत गुन्हा नोंद क्र. 31/25 प्रमाणे कारवाई सुरू आहे.

कारवाईतील पराक्रमी पथक

पर्यवेक्षण अधिकारी: कृष्णा मेखले (पोलीस निरीक्षक, ला.प्र.वि. मुंबई)

तपास अधिकारी: नितीन थोरात (पोलीस निरीक्षक, ला.प्र.वि. बृहन्मुंबई)

मार्गदर्शन: अपर पोलीस आयुक्त संदीप दिवाण, अपर पोलीस उप आयुक्त अनिल घेरडीकर, अपर पोलीस उप आयुक्त राजेंद्र सांगळे

सक्षम अधिकारी: पोलीस महासंचालक, म.रा. मुंबई

नागरिकांसाठी इशारा व मदत क्रमांक
जर कोणताही शासकीय अधिकारी/कर्मचारी किंवा त्यांच्या वतीने खाजगी इसम लाच मागत असेल, तर त्वरित संपर्क साधा:

टोल फ्री: 1064

अॅन्टी करप्शन ब्युरो बृहन्मुंबई: 022-24921212 / 022-24922618

सहाय्यक पोलीस आयुक्त (प्रशासन) मनीषा झेंडे: 9881128129 / 839093973

संदेश स्पष्ट – लाच मागणाऱ्याला वाचवू नका; थेट अॅन्टी करप्शन ब्युरोला कळवा आणि भ्रष्टाचाराला आळा घाला!