Mumbai Airport Accident : मुंबई विमानतळावर मोठा अपघात टळला! एअर इंडियाचे विमान रनवेवरून घसरले

Mumbai Latest Airport News : कोच्चीहून येणाऱ्या AI2744 विमानाला लँडिंगदरम्यान घसरावं लागलं रनवेवरून

मुंबई – छत्रपती शिवाजी महाराज आंतरराष्ट्रीय विमानतळावर (CSMIA) रविवारी सकाळी एक मोठा अपघात थोडक्यात टळला. कोच्चीहून मुंबईकडे येणारे एअर इंडियाचे AI2744 हे विमान सकाळी 9:27 वाजता लँडिंग करत असताना रनवेवरून घसरले. Mumbai Airport Latest News

CSMIA च्या प्रवक्त्यांनी सांगितले की, तातडीने आपत्कालीन प्रतिसाद पथकांना सक्रिय करून परिस्थिती नियंत्रणात आणण्यात आली. सुदैवाने विमानातील सर्व 136 प्रवासी आणि चालक दलाचे सदस्य सुखरूप आहेत.प्रवक्त्यांनी पुढे माहिती दिली की, मुख्य रनवे 09/27 वर या घटनेमुळे किरकोळ नुकसान झाले असून, सध्या दुसरा रनवे 14/32 तात्पुरत्या वापरासाठी कार्यान्वित करण्यात आला आहे. प्रवाशांच्या सुरक्षेला सर्वोच्च प्राधान्य देण्यात आले आहे.

एअर इंडियाच्या प्रवक्त्यांनुसार, मुसळधार पावसामुळे रनवे ओला होता. त्यामुळे लँडिंगदरम्यान विमानाला चक्कर मारावी लागली. यानंतर विमान थोडक्याच अंतरावरून रनवेच्या बाहेर घसरले. मात्र, चालक दलाने प्रसंगावधान राखत विमान गेटपर्यंत सुरक्षितपणे पोहोचवले.सुरक्षेच्या दृष्टीने विमान सध्या तपासणीसाठी थांबवण्यात आले आहे. पुढील तपासानंतरच विमान पुन्हा सेवेत आणण्यात येणार आहे.