MNS Leader Raj Thackeray : मनसे प्रमुख राज ठाकरे यांनी आणखी 2 उमेदवार जाहीर केले, या नेत्यांना दिले तिकीट
•विधानसभा निवडणुकीच्या तारखा जाहीर झाल्या नसल्या तरी सर्वच पक्ष सक्रिय दिसत आहेत. मनसेने चंद्रपुरा आणि राजुरा मतदारसंघातील उमेदवारांची नावे जाहीर केली.
चंद्रपूर :- विधानसभा निवडणुकीबाबत राजकीय खलबते हळूहळू वाढत आहेत. राज ठाकरे यांचा पक्ष महाराष्ट्र नवनिर्माण सेनाही या निवडणुकीसाठी पूर्ण तयारीत असून रणनीती आखली जात आहे. मनसे अध्यक्ष राज ठाकरे यांनी त्यांच्या आणखी दोन उमेदवारांची घोषणा केली आहे.
MNS Leader Raj Thackeray यांनी चंद्रपूर आणि राजुरा विधानसभा मतदारसंघासाठी आपल्या पक्षाच्या उमेदवारांची नावे जाहीर केली आहेत. मनसेने चंद्रपुरा विधानसभा मतदारसंघातून मनदीप रोडे यांना उमेदवारी जाहीर केली आहे. त्याचवेळी राजुरा विधानसभा मतदारसंघातून सचिन भोयर यांच्या नावाची घोषणा करण्यात आली आहे.
मनसेच्या वतीने या आधी मुंबईतील शिवडी विधानसभा मतदारसंघातून बाळा नांदगावकर तसेच पंढरपूर मधून दिलीप धोत्रे यांच्या नावाची घोषणा केली होती. त्यानंतर मराठवाडा दौऱ्यावर असताना लातूर ग्रामीणमध्ये संतोष नागरगोजे तर हिंगोली विधानसभा मतदारसंघातून बंडू कुटे यांच्या उमेदवाराची घोषणा केली होती. त्यानंतर आता विदर्भातील चंद्रपूर विधानसभा मतदारसंघातून मनदीप रोडे तर राजुरा विधानसभा मतदारसंघातून सचिन भोयर यांच्या उमेदवाराची घोषणा करण्यात आली आहे.सध्या राज ठाकरेंच्या या रणनीतीने महाविकास आघाडी आणि महायुती या दोघांनाही चिंतेत टाकले आहे.
मनसेच्या दोन गटात राडा
चंद्रपुरात झालेल्या राज ठाकरे यांच्या बैठकीनंतर मनसेतील दोन गटांमध्ये चांगलाच वाद पाहायला मिळाला होता. राजुरा मतदारसंघातून सचिन भोयर यांच्या उमेदवाराची घोषणा करण्यात आल्यानंतर या मतदारसंघातून इच्छुक असलेले चंद्रप्रकाश बोरकर यांच्या समर्थकांनी जोरदार घोषणाबाजी केली होती. चंद्रप्रकाश बोरकर हे मनसेचे चंद्रपूर जिल्हा सचिव असून त्यांच्या कार्यकर्त्यांनी सचिन भोयर यांच्या उमेदवारीला विरोध केला होता. या मुद्द्यांवरून दोन गटांमध्ये आधी वाद आणि नंतर धक्काबुक्की झाली होती.
