Matunga Police News : गर्दीतून झडप घालणाऱ्या ‘मंगळसूत्र चोरांना’ माटुंगा पोलिसांची ‘सोनसाखळी’!

Matunga Police Arrested Chain Snacher : एकाच गुन्ह्यात दोन गुन्हेगार, दोन्ही गुन्ह्यांचा छडा आणि पूर्ण मुद्देमाल जप्त!

मुंबई, दादर | फूटपाथवरून चालत जाणाऱ्या महिलांना लक्ष्य करून मंगळसूत्र हिसकावणाऱ्या टोळीचा अखेर माटुंगा पोलिसांनी छडा लावला आहे. Matunga Police Arrested Chain Snacher अवघ्या काही दिवसांत दोन वेगवेगळ्या घटनांमध्ये महिलांचे मंगळसूत्र हिसकावून पळणाऱ्या दोन सराईत गुन्हेगारांना अटक करण्यात आली असून, विशेष म्हणजे दोन्ही गुन्ह्यांतील 100 टक्के सोन्याचा ऐवज पोलिसांनी हस्तगत केला आहे.

‘मोजेस’ आणि साथीदाराचा गुन्हेगारी प्रवास संपला; पोलिसांचा गुप्त तपास चमकला!

18 मे 2025 रोजी दादर टीटीच्या दिशेने चालत असलेल्या महिलेला अज्ञात व्यक्तीने पाठीमागून गाठत तिच्या गळ्यातील मंगळसूत्र हिसकावले आणि गर्दीतून पलायन केले. या घटनेने परिसरात भीतीचे वातावरण निर्माण झाले. घटनेनंतर लगेचच माटुंगा पोलीस ठाण्यात गुन्हा नोंदवण्यात आला. Mumbai Matunga Police Latest News

या गुन्ह्याचा तपास करत असताना गुप्त माहिती, सीसीटीव्ही फूटेज आणि तांत्रिक विश्लेषण यांच्या आधारे पोलिसांनी दोन संशयित आरोपींना ओळखले आणि त्यांना सापळा रचून अटक केली.सलीम मतीन सय्यद उर्फ मोजेस (44 वय) अकबर अहमद सय्यद (45 वय) असे आरोपींचे नाव आहे.

तपासादरम्यान पोलिसांनी आणखी एक मोठा खुलासा केला. यातील सलीम सय्यद याने याआधी माटुंगा हद्दीत आणखी एक चोरी केल्याचे उघड झाले, तपास सुरु होता.

दोन्ही गुन्ह्यांमध्ये पोलिसांनी मिळवलेला सोन्याचा मुद्देमाल खालीलप्रमाणे

1.7.640 ग्रॅम मंगळसूत्र, किंमत 55 हजार 351 रुपये
2.4.340 ग्रॅम मंगळसूत्र, किंमत 31 हजार 443 रुपये

एकूण हस्तगत ऐवज – 86 हजार 794 रुपये

या यशस्वी कारवाईमुळे पोलिस दलाचे कौतुक होत असून, झपाट्याने गुन्हे उघड करणाऱ्या पथकाने पुन्हा एकदा दाखवून दिले की, गुन्हेगार कितीही हुशार असले तरी कायद्याच्या कचाट्यातून सुटू शकत नाहीत.