Maharashtra Weather Update: थंडीची लाट, काश्मीरसारखी थंडी! तापमान इतके पोहोचले

Maharashtra Weather Update News : बारामती येथे 7.8 अंश सेल्सिअस किमान तापमानाची नोंद झाली. नाशिक जिल्ह्यातील मालेगाव येथे 9.8 अंश सेल्सिअस किमान तापमानाची नोंद झाली.

मुंबई :- महाराष्ट्राच्या अनेक भागात हवामानात बदल होताना दिसत आहे. Maharashtra Weather Update भारतीय हवामानशास्त्र विभागाने (आयएमडी) मंगळवारी (17 डिसेंबर) सांगितले की, महाराष्ट्रातील अनेक भागात थंडीची लाट सुरू आहे. राज्यात काही ठिकाणी किमान तापमानात एक अंशाची घसरण झाली आहे. पुणे जिल्ह्यातील बारामती येथे 7.8 अंश सेल्सिअस किमान तापमानाची नोंद झाली.

नाशिक जिल्ह्यांत किमान तापमान 8 अंश सेल्सिअस नोंदले गेले. IMD नुसार जळगावात पारा 8.3 अंश सेल्सिअसपर्यंत घसरला, तर परभणी, छत्रपती संभाजीनगर आणि धाराशिव येथे किमान तापमान अनुक्रमे 9.4, 10 आणि 10.2 अंश सेल्सिअस नोंदले गेले.

नाशिक जिल्ह्यातील मालेगाव येथे 9.8 अंश सेल्सिअस किमान तापमानाची नोंद झाली. राज्याची राजधानी मुंबईत, सांताक्रूझ वेधशाळेने किमान तापमान 15 अंश सेल्सिअस नोंदवले, तर कुलाबा आयएमडी (दक्षिण मुंबईत) तापमान 20 अंश सेल्सिअस असल्याचे सांगितले.आयएमडीच्या म्हणण्यानुसार पुढील काही दिवसांमध्ये पारा हळूहळू वाढेल.

IMD मुंबईच्या शास्त्रज्ञ सुषमा नायर यांनी सांगितले की, पूर्वेकडील वाऱ्यांमुळे पुढील तीन ते चार दिवसांत किमान तापमानात हळूहळू वाढ होईल, ज्यामुळे ओलावा येईल.