Maharashtra News : महाराष्ट्रातील तरुणांसाठी खूशखबर! 50 हजार ‘योजना दूत’ची भरती होणार!

Maharashtra News : विधानसभा निवडणुकीपूर्वी महाराष्ट्र सरकारने मोठा निर्णय घेतला आहे. राज्य आणि केंद्र सरकारच्या विविध कल्याणकारी योजनांचा प्रचार करण्यासाठी 50,000 तरुणांची भरती करण्याचा निर्णय घेण्यात आला आहे.

मुंबई :- विधानसभा निवडणुकीपूर्वी Vidhan Sabha Election राज्य आणि केंद्र सरकारच्या विविध कल्याणकारी योजनांचा प्रचार करण्यासाठी महाराष्ट्र सरकारने 50,000 तरुणांची भरती करण्याचा निर्णय घेतला आहे. या ‘योजना दूत’मुळे नागरिकांना शासकीय योजनांचा लाभ घेता येईल, असे उच्च व तंत्रशिक्षण मंत्री चंद्रकांत पाटील यांनी विधान परिषदेत सांगितले.

विरोधकांनी या उपक्रमावर टीका केली आणि तरुणांना लक्ष्य करणारी राजकीय मोहीम असे वर्णन केले. विरोधी पक्षनेते अंबादास दानवे यांनी विधानपरिषदेत महाराष्ट्रातील कौशल्य विकास शिक्षणाच्या दर्जाबाबत चिंता व्यक्त करत 50 हजार तरुणांना प्रसिद्धीसाठी नियुक्त करण्याच्या सरकारच्या निर्णयावर प्रश्नचिन्ह उपस्थित केले.

मंत्री पाटील म्हणाले की, कौशल्य विकास आणि स्वयंरोजगाराला चालना देण्याच्या उद्देशाने राज्य सरकारने दहा पॉलिटेक्निकसाठी ‘सेंटर ऑफ एक्सलन्स’ स्थापन करण्यासाठी 53.66 कोटी रुपयांची तरतूद केली आहे.ते म्हणाले, 10 लाख तरुणांना स्टायपेंडसह सहा महिन्यांचे कौशल्य-आधारित प्रशिक्षण दिले जाईल, त्यापैकी 50,000 व्यक्तींना सरकारी योजनांची माहिती देण्यासाठी ‘स्कीम ॲम्बेसेडर’ म्हणून नियुक्त केले जाईल.